岑丽香两岁仔仔Jacob爱模仿 将沙冰当肤护品：佢伸手搽喺面
撰文： 陈芷颖
出版：更新：
岑丽香今日（9日）现身跑马地出席医学美容中心开幕礼，已为两子之母的她无论皮肤又或是身形都保养得宜。香香接受访问时透露虽然照顾小朋友少了时间护肤，不过依然会抽时间好好装扮自己：“Take care自己先有能力take care其他人，每个月会抽两个钟做下treatment。”
香香笑言两岁大的仔仔Jacob喜欢模仿自己搽护肤品，有一次更将果汁沙冰涂上面：“佢都有Jacob’s cream，我有次整咗smoothie畀佢，谂住佢会饮，反而佢伸只手入去搽晒喺块面度，好似搽cream咁。所以一啲小动作，小朋友都会吸收。”
她续指近来多了时间留在家中，于是开始为两位仔仔拍下生活片段：“学识点剪得好睇，加下音乐。疫情时候，好多屋企人都冇得见，就Miss咗小朋友细个好得意嘅时候，我想剪下片分享畀屋企人睇，开心下又唔好错过咁得意嘅时刻。”香香指现时想多花时间陪伴小朋友，希望可以在工作与家庭之间取得平衡。
大仔Jacob开始上学，香香说会经常问老师意见：“我都系学习阶段点样做个好妈妈，成日问妈妈Friend同老师，睇下有咩做得好啲同进步。”除此之外，香香亦会经常说故事给Jacob听以及每日祈祷希望自己能更有耐性，问到Jacob会否帮忙照顾细佬，她说Jacob年纪尚轻：“佢未知点样照顾，但我成日好似洗脑咁，细佬永远都系你Forever best friend，令佢知道多一个人仔系件开心事，希望佢哋关系建立得好好。”
点撃睇更多活动靓相：
+10