Coffee林芊妤忆酗酒极端人生　一晚队成枝伏特加：维持咗好长时间

从当年电视台嘅小演员，到发生“残厕事件”被迫离开，Coffee林芊妤靠自己的瑜伽专业，成为百万订阅人气YouTuber。她担任ViuTV节目《晚吹-有酒今晚吹》嘉宾时，她透露当年曾被爸爸指责“丢架”，又曾以酒精麻醉自己“由一两杯到一支两支”。

Coffee忆述当年开始饮酒缘于失恋：“物件系TVB艺人但已经离开，去咗做兽医，最后发现佢一脚踏两船。之后有唔系咁好嘅新闻，因为有好多记者我就搬走咗。由于怕鬼唔敢独居，开始每晚饮红酒，由一两杯到一支两支，觉得好贵，决定买支伏特加，开头饮一杯仔就瞓，后来发展到饮一支。𠮶时日头好健康咁私人教授瑜伽，但夜晚会独自买醉，好极端咁维持一段长时间。”Coffee笑言经常被学生闻到酒味：“例如做完用头倒立、用手倒立，当你运气嘅时候，（酒气）就会涌出嚟！其实人哋睇我，以为我好硬净，但我唔系，返到屋企就会饮，都维持咗一段好长时间。”

其后Coffee接受《香港01》访问时表，戒酒成功全因仔仔：“我同老公一齐时都仲有饮既，之后就有仔仔啰，有佢之后我晚晚都揽住佢瞓 ，同埋之前我系自己瞓，家阵有老公同仔仔陪，所以晚晚都好有安全。”

突然因为“残厕Gathering事件”一跃跳上C1头版，Coffee直言当时相当无助，家人反应令佢更为心伤：“当时唔知点独自处理，因为家人好传统福建人，会话收到朋友MSG话我好丢架，我爸爸真系咁，令我好Hard feeling，觉得全世界话我都好，如果家人企喺自己身边会释怀啲，但当时我无。我觉得自己都无做错事点解要走呀？如果走咗就永远返唔到嚟，永远擡唔起头做人，觉得边度跌低边度起返身。”

问到Coffee几时才跟爸爸改善关系，她说:“系到我大个识得同父母沟通啰，其实我细个时佢会打我，咁我会离家出走啦，会反叛。但之后私发现佢系好须要别人冧嘅一个人，同埋好须要关怀嘅一个人，所以我使做咗全家人都唔会做嘅事，就系成日去揽佢呀，到我有一定经济能力，其实佢都放下好大担子，冇咁大压力，咁脾气就冇咁差。”