梁朝伟被郑裕玲踢爆曾豪言36岁退休　阔别电视圈33年出年将再拍剧

影帝梁朝伟 (伟仔) 近日频频为他首部主演的荷里活Marvel超级英雄电影《尚气与十环帮传奇》（Shang-Chi and the Legend of the Ten Rings）进行宣传活动，上星期他就接受了郑裕玲（Do姐）的访问，而该段访问于昨日（6日）在商台《口水多过浪花》节目中播出，伟仔除分享了今次拍Marvel电影的过程，还畅谈自己拍戏生涯入面为人知的经历。Do姐更爆料指伟仔早年曾豪言自己要在36岁退休，但却一直坚持到现在依然戏约不断，更进军拍荷里活电影，现年59岁的伟仔却笑言已经忘记自己当年有说过。

伟仔表示随住自己年纪渐长价值观亦有变，他目前并没有退休时间表︰“开始嘅时候做演员好辛苦，谂法好极端，但唔系经历𠮶啲辛苦就唔会有今日嘅我，大个咗价值观唔同咗，最近10年我个人轻松咗，想做咪去做。依家有兴趣咪拍下嘢，我冇俾一个限制自己一定要拍咩，唔系冇谂住退休，但攰咪抖下啰，如果有好有兴趣嘅嘢就做，始终系自己钟意嘅嘢。”收回了退休宣言，又认为接戏都要讲缘分。伟仔又预告将会重返阔别了33年的电视圈，他透露明年会飞往温哥华拍摄电视剧，亦是他拍完无线剧《侠客行》后，相隔33年后再次演出电视剧，相信一众剧迷都十分之期待。

提到花了4个月拍摄《尚气》饰演“文武”一角，伟仔直言与想像中不同：“想试吓同以前唔同嘅角色，但好头痕，导演讲系反派，但睇剧本又唔系，好多感情戏同人性化，唔系咁邪恶。同埋之前话唔使点打，但喺悉尼一开工就拍打戏，一日拍足10小时，冇放饭时间。因为我冇打嘅准备，所以同陈法拉、刘思慕喺厂度自己练，尽量亲身上阵，太危险嘅导演就怕我受伤会冇人拍。日日都系咁，几辛苦，好似以前拍剧咁。”他在另一个访问中又表示用“十环”拍打戏，大部分时间都要靠想像力，幸好自己是睇《如来神掌》长大，加上拍过多部武打片，才能够应付得到。

点击睇伟仔早前被野生捕获靓相以及他的其他靓相：