陈志云称无线似变成旧ATV：请多100个曾志伟都系冇用

撰文： 邝钰莹
出版：更新：
陈志云虽然已离开TVB，但一直十分关注旧东家的发展。（资料图片）

陈志云自离巢之后，不时都会评论旧东家，近日他接受商台节目《我俾子君焫着了》访问时，直言“而家嘅TVB好似变咗以前嘅ATV，我谂系同佢嘅品牌效应、负面效应有关。”之后他又提到2012年选择离开TVB，系因为知道TVB的情况会下滑：“唔系我要放弃呢只沉紧嘅船，而系我见到新媒体嘅兴起，所以我系想离开去学新媒体嘅嘢。当时我见到佢有咁嘅走势，但佢未必一定会下滑，如果佢转得够快，动作转得够大，咁可能唔需要走条咁嘅路。”

TVB处理剧集、节目的手法、方向一成不变，陈志云大赞美剧《好医生》（The Good Doctor）无论是题材或包装都十分成功。（IG@thegooddoctorabc）

陈志云表示在他主政的年代时，只船仲未沉：“我冇份搞到只船开始沉，哈哈！以前海外市场，你做嘅嘢by product系唔需要成本，已经赚到钱，但而家海外市场已经唔系咁，大家开始自己制作节目，大家会喺新媒体入面睇节目，你就见到市场对你嘅依赖减低。”他又指TVB由于太过依赖自家制作，所以难免会工厂式，好难跳出框框，陈自云更指其实全世界的剧集题材都差不多，但最重要系识得包装同加入新元素。“老实讲，TVB唔系个个节目都做得咁差，有啲都系唔错，只系大家离弃咗佢，我曾经讲过就算请多100个曾志伟，请多100个叻过曾志伟好多倍嘅人过嚟都系冇用，因为人哋觉得呢个品牌嘅价值系负面。佢一定要由里面改番出嚟，全个机构嘅文化、定位、价值观要改，失去嘅观众先会返番嚟。”

ViuTV同TVB都有制作选秀节目，点解前者会成功，陈志云认为是因为揾啱导演。
陈志云称tvb请多100个志伟都冇用。（资料图片）

同场加映:香港小姐2021丨你看不到的准决赛

+17