农夫为20周年演唱会筹备中：嚟紧我哋会摆番多啲时间喺音乐度！

农夫成员陆永和C君近年积极拍剧演活各大小角色，陆永更在近期播出的《智能爱人》中首度担任男一，两人今日（24日）与一众《智能爱人》剧中演员到商场宣传新剧时笑言其实自己一点也不忙：“剧集出街嘅时候就系我哋冇拍嘢嘅时候，其实系年几之前拍好啦，有时一出套剧啲人又觉得我哋好忙，我哋就话‘唉，唔系忙！’”

他们笑言现时没有忙于拍剧或者拍综艺，最近正积极准备下年的20周年演唱会，两人未有透露会请什么嘉宾，但却搞笑互指邀请对方上台，陆永笑言：“始终今次系我哋自己嘅20周年，最紧要系你（C君）嚟！”C君表示自己三年前就已经答应了歌迷要做20首歌曲，但疫情关系令计划一而再再而三延迟：“原本谂住旧年发布，但因疫情关系只好明年去做！而且新作系绝不贩卖，你唔会喺各大电台、电视台或网上听到，只有喺演唱会现场先听到，希望会成为美好嘅回忆。”

两人是香港人心中最搞笑的经典艺人组合之一，不过近年两人都似乎将重心放在戏剧上，令外界猜测农夫想放弃再走搞笑路线，C君强调“想做就尽力去做”，没有制定要走什么路线的计划：“个plan最尾都唔系你个plan，所以唔到你去plan！”与他们经常有合作机会的艾粒成员阿占和当奴早前宣布离开TVB，陆永坦言两人暂时没有离开要电视圈的想法：“其实好多综艺都离唔开电视圈，但系音乐就系我哋自己嘅创作，系想讲嘅嘢同自己钟意做嘅嘢，所以嚟紧我哋都会摆番多啲时间喺音乐度！”

智能爱人｜江欣燕低胸色诱骑背强吻　陆永：所有动作戏入面最激嘅