香港小姐2021｜泳衣劲贴身？　受伤梁允瑜：咁你哋有眼福啰

《2021年香港小姐竞选》准决赛将于明晚举行，今日（8月22日）20位候选佳丽齐集进行泳装环节采排。早前因排练而扭伤左脚踝的1号梁允瑜（Chole），今日虽然是穿着泳衣出场，但仍旧需要扎住脚踝，不过已不需要扶住慢行，情况有好转。

梁允瑜接受《香港01》访问时，对自己充满信心，更表示目标是三甲：“梗系三甲啦，参加得比赛当然想赢。冠军系最终极目标，我觉得慢慢嚟啦，先要搞掂听日个准决赛先。”问到有什么准备，她回答：“到咗呢个时候，冇得话准备啲咩。我觉得最重要系心态，要相信自己，如果你不断否定自己，好多unlucky（不幸运）嘅事就会发生，反而个人开心啲，做起嘢都会有自信。”

采排时梁允瑜的泳衣因贴身疑透光，问她会否怕走光时，她就笑言：“你哋见到？咁你哋有眼福啰，可能迟啲冇得睇，只此一次，哈。我又唔系好担心（听晚），我相信TVB服装人员一定会帮我检查。”

问及脚踝的伤势，她说：“今日冇打止痛针，但系㖊日就打咗止痛针，个效果系行到嘅，今日冇打可能就会‘拐吓拐吓’，听日会打两支（止痛针），个药力会keep得耐啲。”打止痛针没有副作用？她直言：“会晕晕哋，但系冇计，要顶硬上，因为我系1号，如果我一走错或者行得慢，成个进度就会delay或者错晒。”她表示，这段时间幸得家人支持：“妈妈会帮我搽跌打酒，爸爸又会嚟停车场接我，妹妹都会WhatsApp支持我。”

点击下图睇更多：

👇点击下图 睇20强佳美丽泳装👇

1-10号：

11-20号：