七公主｜吴子冲一场戏排廿次搣甩坏习惯　监制：𠮶时俾我闹到七彩

无线剧集《七公主》讲及失散的七姐妹寻找彼此，从而引申出不同年龄层女性的故事。七个女主角固然吸引，但也有不少值得留意的男角色，就好似第5集出现，与黄翠如（饰顾灵珊）做对手戏的吴子冲（饰张文豪）就为观众带来了十分新鲜感。

吴子冲于2017年6月报读无线电视第29期艺员训练班，翌年4月就正式成为TVB艺人，18年亦客串参演《爱·回家之开心速递》近20个不同角色，也参演过《BB来了》、《金宵大厦》、《那些我爱过的人》和《踩过界II》等不同角色。

佢排戏𠮶时俾我闹到七彩！

监制陈维冠接受《香港01》访问，就提到吴子这位新人，原来挑选他担任这个角色都是因为一次偶遇：“有啲嘢真注定，我哋揾佢𠮶时唔知佢识剑击，倾完偈先知，咁啱晒啦。好‘桥’，𠮶日我经过走廊有班演员行出嚟。我心谂：‘呀，呢个男仔个样OK㖞，咁咪揾佢倾下偈，倾完就发现几啱我哋角色。”

外形虽然“杀食”，但陈维冠初时却不太满意他的演技：“佢排戏𠮶时俾我闹到七彩，因为佢有好多做戏坏习惯，会唔自觉戚眼，或者郁身郁势，讲唔正又‘赖’过，呢啲咪唔好啰，不过闹系一个令方法令佢记得。”他透露，其实正式拍戏之前排练了不少次：“正式做可能一次take过，但系之前已经练咗50次，排咗20次戏，同佢练熟咗对白之后，佢咪可以投入啰。”

陈维冠接续说，找吴子冲饰演张文豪，除因为觉得他适合角色设定之外，不多不少也因为想培育新人：“连七公主我哋个个都见过，唔系钦点架，揾演员一定系要揾亲生仔架啦，公司有啱嘅点解唔揾，要走去揾出面人？咁公司做足十几年𠮶啲咪好惨？”