MIRROR三子吸五百粉丝逼爆商场　Ian回应粉丝偷影问题：唔舒服

MIRROR成员杨乐文（ Lokman）、江𤒹生（AK）和陈卓贤（Ian）今日（19日）于尖沙咀商场出席运动品牌宣传活动，吸引逾五百名粉丝逼爆商场三层。三子一出场，现场随即尖叫声四起高呼偶像名字。活动中，AK更即席在跑步机上跑步及摆出Chok爆甫士，𠱁得在场“生粉”（AK粉丝专黐）非常开心。

MIRROR成员连日来均获邀出席品牌活动，问到收入是否大大增加，Lokman接受访问时说：“我都想，我都系出席咗一少部分，如果全部都系我会更加开心。”Ian笑言花姐的广告最多，而AK则指花姐的工作比他们更忙碌：“佢个期难约过我哋，嚟紧《全民造星4》，佢又要进入无限轮回，好多前期工作，所以佢比较忙。”

点击图辑睇3子是日靓仔相！

AK和Lokman的新歌《虎道门》明天（20日）推出，AK就大卖关子：“今次唔只唔着长袖衫，讲到嚟呢度先，想知听晚睇MV就知。”Lokman表示非常满意今次MV的造型：“主题同首歌嘅感觉好符合，同埋个场景会畀100分，实在太靓。”

Ian上星期推出的新歌MV《搞不懂》获网民大赞唯美，他坦言喜欢MV成品：“拍摄唔系搭咗好多景，有限嘅景想呈现一个message畀大家，想贴近返个人嘅谂法，想自己执导都系想Relate多啲自己嘅嘢摆落去。”MV推出未够一星期，观看次数已经超过一百万，AK即指：“请食饭。”Ian感谢大家支持：“虽然讲过数字衡量唔到音乐本身，但知道佢哋为咗支持睇呢个MV，好多谢佢哋支持。”

Ian最近在音乐平台直播时提到粉丝偷影问题，他表示希望大家可以过来打招呼：“早几日做完嘢，走𠮶时搭䢂或者等紧䢂，见到有人偷拍，令到自己有啲唔舒服，宁愿大家过嚟同我打个招呼，或者影个合照，可能大家仲开心啲。”AK坦言明白粉丝想法，不过有时候状态不适合拍照，希望大家理解：“好似啱啱排完舞，出晒汗，个人未必最好状态。或者啱啱起身赶住去做嘢，呢啲情况问到都影唔到，希望大家谅解。”