黄翠如未应承做洪永城仔女契妈：等啲人争完先！

黄翠如、高海宁、邝洁楹等人今日（5日）出席新剧《七公主》宣传活动。黄翠如爆她戏中会同高Ling狗咬狗骨。“高Ling系我大妹。戏中我细个做咗啲对佢好大伤害嘅事，所以佢讨厌咗我好多年。所以喺里面逢亲我同高Ling嘅场口，都系同佢嗌紧交，仲要系啲好狠毒嘅嗌交。”

至于问最近有否与洪永城（Tony）见面，其怀孕中的太太梁诺妍（Inez）状态如何，她表示上周曾与Tony及其家人见面，“上星期我同Tony同佢屋企人食饭。Inez状态好好，佢本身运动员、教练嚟，状态一定好过Tony。其实你唔系好觉佢个肚，因为佢有足够工作、仲有运动，佢系个好靓嘅准妈妈。”她又透露，Tony有问过她是否想做契妈，“佢有同过我讲嘅，照计都系㗎啦！但我知可能好多人争，等啲人争完先。话唔定佢开口问好多人呢！”