陈约临迷妹上身访问张家朗被闹爆：香港市民叫我畀个飞吻你

“剑神”张家朗今日（26日）在东京奥运男子花剑个人赛勇夺金牌，为香港代表团带来今届奥运首面奖牌。赛事结束后，张家朗走到媒体区接受访问时，台下有把女性声音表示：“而家所有人都睇住你做live，我...我...我好钟意你呀，点算？”之后当张家朗提到调整心态作赛后、并多谢屋企人、体谅屋企人，台下又有把女性声音表示：“可唔可以喺呢度同你屋企人讲声多谢？”张家朗傻笑表示：“好尴尬㖞。”之后呢把女性声音就话：“我已经系流泪，我直头喺观众席流泪，要喊。”

张家朗提到不敢相信自己系金牌得主时，呢把女声又嚟料！她说：“我要叫你金家朗，唔得！唔得！你系香港人嘅骄傲，好proud of you，头先做live时问香港市民想对你做咩，佢哋叫我畀个飞吻你，但因为有Social Distancing，所以哈哈哈！支持你！”之后呢把女声又形容香港商场有唔少市民为佢加油打气，搞到张家朗都唔知可以点回应！

点击睇网民洗版式闹爆

其实呢把女声正正就系陈约临（Kelly），唔少网民即时在其IG留言闹爆她的表现，除了指出她的声音好烦和问题冇质素外，只有佢讲冇张家朗讲也是一个问题，到张家朗讲话时又打断人，完全冇理支持张家朗嘅广大网民感受，又指她做“迷妹”都应该分场合。25岁的Kelly曾就读珠海学院新闻与传播学系，甚至为母校拍片分享自己嘅访问技巧同对谈技巧，完全唔怕教坏人。

点击睇陈约临