全民造星IV︱花姐讲明会加《延禧》剧情 戴颖接捧做女团经理人
ViuTV王牌选秀节目《全民造星IV》今年选拔全能女团，公开招募起反应热烈，据悉已收近四千份报名表，周五（16日）举行即场报名造势，节目监制花姐（黄慧君）今日携已任命的未来女团经理人戴颖（Wing）亮相，花姐大赞Wing拣女仔的眼光十分准确：“例如Hanna（陈汉娜），我之前唔识Hanna，直到Anson Lo（卢瀚霆）嘅《不可爱教主》先发现原来呢个女仔咁好！”Wing亦期望透过《造星》找到有内涵的参赛者。
全民造星IV︱KOL强势参战搏入女团 193亲生妹郭嘉盈玩埋一份！
谈到二人认识的渊源，花姐就透露是因为MIRROR结缘：“我做MIRROR经理人嘅时候完全冇经验，鲁生就揾Wing帮手，点知佢放咗飞机；后来真正认识佢之后都好想佢帮我照顾MIRROR但佢都拒绝，直到今次。”Wing指自己做了个艰难的决定：“最后说服自己系新嘅力量，同女团一齐为香港娱乐圈发掘新元素。”
至于花姐早前曾明言抗拒做女团，她透露主因是惧怕Gossip：“我系一个仆X监制，想节目好睇就一定会加啲《延禧攻略》嘅故事剧情，我唔系特登加啲八婆，可能加啲人哋眼中嘅麻烦人，设计剧情令唔同参赛者性格更立体，如果全部好靓又有实力但唔讲嘢，个节目亦都唔好睇。”花姐直言经《造星III》后对女性改观：“发现陈苇璇、Alina都可以好热血、力量比男仔更强、又冇乜是非，所以可能系我对女性一直以来有偏见。”谈到今年改变想法的原因，她直言希望《造星》可继续为娱乐圈贡献一点力量：“近年为MIRROR同电影公司倾工作，佢哋话后生女演员好似断咗层，咁我就希望揾有潜质嘅女仔入行。”
《造星》果然是ViuTV的王牌真人秀，光是公开招募已在网上引来热烈讨论，花姐直言今年破纪录收近四千份报名表：“冇谂过咁多人报名，Casting已经比之前多两、三日，但都冇可能睇到四千个，所以都经过筛选，有啲form都唔识填，有啲个样好似我咁又冇观众缘，就无谓嘥大家时间。”至于有声音质疑节目“造马”，KOL可“乘快线”获面试机会，花姐指：“出名啲嘅快啲嚟报名，就系无乜；其实素人都系我哋想要嘅！”Wing直言一视同仁：“唔关身份背景事，有实力、欲望、个人特色系首选。”
谈起近来无线的《声梦传奇》话题度不俗，更捧起Chantel、炎明熹、Yumi等少女，今季办女团会否怕有比较，花姐自信说：“我从来都唔会比较，始终大家做嘅嘢唔同，佢可能要造一个专业歌手，而我哋系想打造一个好实在、真实嘅偶像，两个唔同性质亦都唔使比较，有良性竞争可能仲好。”