陈卓贤健身室开幕MIRROR兄弟撑场 半裸照变人形揽枕：少少尴尬
陈卓贤（Ian）投资的健身室“Project i”今日（15日）开幕，除获大量粉丝送赠花篮和果篮外，MIRROR成员AK、Jeremy、Stanley、Tiger、Jer和Alton亦有到场支持兄弟，他们一出场即与Ian相拥和握手送上祝福。
再做老板的Ian接受《香港01》访问时解释“Project i”的理念以及疫市创业的原因：“人生中好多Project，但要由零开始变做一个Project就要Walk The Talk，亦系我哋Slogan，要身体力行去做。Project i个‘i’唔系代表Ian，其实系Infinity，我都有无限个Project想做，要一步一步慢慢去做，心目中嘅Project先会完成。外在因素唔会影响好多，如果觉得当下想做就系Best Moment，冇特别担心疫市会唔会有影响，决定要做𠮶一刻就系最好时机。”
Ian平日的工作已经非常忙碌，他感激朋友的帮忙助他完成一个又一个的创业目标：“我一定唔会影响幕前工作，幕前工作一定摆第一位，佢哋都好明白所以有赖佢哋一齐合作。”他续指与朋友合资超过7位数成立“Project i”：“好难凭我一个人做到，同Partner一齐夹分去做。”
相信粉丝最关心的，一定是能否与Ian一同做Gym，他笑言：“可能真系会，我成日上嚟做，如果你哋嚟做，我就喺隔离。可能我做Gym会好肉紧，大家唔好见怪。（MIRROR其他兄弟会上嚟做Gym？）都好希望帮到佢哋，间Gym未开都同佢哋讲如果想做，我会Fully Support，会揾教练同埋提供饮食Plan，佢哋都话上嚟做。”Ian说会免费给MIRROR兄弟：“绝对唔讲钱，钟意每日上嚟都OK。（花姐呢？）花姐想上嚟都欢迎，个人觉得花姐就难请啲，如果系做运动嘅话，但如果佢想都一定会帮佢。”
Facebook群组“我老婆嫁左比Mirror导致婚姻破裂关注组”最近成为城中热话，Ian亦有留意并笑言是增加夫妻之间的情趣：“我都有睇啲Po，觉得好得意。我觉得系生活情趣，咁多位先生嘅抱怨，我睇到系对太太嘅包容同埋爱。（有冇见到你个人形揽枕？）少少尴尬，好似真系俾人揽住瞓觉咁，有啲怕丑但更加佩服𠮶位先生，好包容太太，系爱。”有传ViuTV即将开拍泳队剧，问到Ian会否有兴趣参与，他说：“会即刻学游水，大家都知我唔识游水。其实细个识，但因为浸亲自此就惊咗水，但为咗角色我会克服所有睇落唔太可能嘅事。”
同场加映