香港小姐2021︱大女关枫馨入围 关礼杰冇动用关系：靠自己才华
撰文： 叶诗
出版：更新：
关礼杰（Eddie）周二（6日）出席超级市场韩国食品节开幕礼，谈起大女关枫馨（Fabienne）今年参选《香港小姐》并经已入围，他就表示囡囡有跟他商量过，他当时跟女儿说：“承受到压力就可以去做自己想做嘅嘢！”至于女儿原本的正职为老师，而娱乐圈就比较不稳定，问到作为爸爸会否有过担心，他就尊重女儿喜好：“而家嘅年青人学到知识就用喺将来，自己信奉基督教，个女今年参加《香港小姐》都系神嘅安排，唔知系唔系一个好时机，但我自己系训练班出身，所以相信佢参加会学到好多嘢，经历多啲人生又会扩阔多啲。”关礼杰又跟女儿笑说不需有压力：“爹哋妈咪唔使你养，佢又可以放松啲。”
关礼杰出身于1981年无线电视第11期艺员训练班，转眼入行已40年，问到会否介意囡囡踏入娱乐圈，他就说：“老实讲介唔介意都轮唔到我哋选择，视乎佢系咪钟意做。”关礼杰亦表明女儿靠自己实力、不会“走后门”：“我都冇乜名，好老实而家再冇话咩人事关系，最后都系要靠自己才华、表现，好似我哋演戏演得唔好，有人事都冇用，都系做唔到主角，呢个就系最现实。”至于女儿有否定下目标，在比赛中要走多远，关礼杰就说：“真系冇！尽全力、享受过程就得。”
点击图辑睇Fabienne及妹妹Franziska近照：
+33