大叔的爱｜Edan开live人气逼姜涛 还原阿田露牙肉瞪大眼样劲搞笑
凭VIuTV剧集《大叔的爱》爆红的MIRROR成员Edan（吕爵安）日前开IG直播跟粉丝互动，最高峰时期有17000人观看，人气强劲。Edan似乎是在睡房开live，背景貌似是一张“碌架床”，而Edan的衣着都好贴地，他表示自己只换了T-shirt，却忘了换睡裤，所以隐约也见到他下身的“孖烟通”，非常搞笑。Edan透露自己上次开live已经是1月，所以这次跟大家update一下近况，由演唱会、《调教你MIRROR》，再讲到《大叔的爱》。
Edan大爆原来在刚过去的演唱会，有一晚他唱歌时，发生了ear mon没有声的事故，但还好最也顺利完成。再讲到《大叔的爱》，他直认收到剧本时好开心，他说︰“大佬做主角㖞，好哋哋，Edan冇啦啦做主角，吓死人咩！有呢个机会好开心嘅！”他表示自己在拍剧前有看日版，好开心剧集有这么多人留意和收看。Edan自己最喜欢第一集，当中有“火影跑”、又有阿田（Edan饰）发现KK（黄德斌饰）偷影自己的样子，他们自己放了好多创意落去。他一方面感到开心，但播出街时再看，就觉得有点“唔抵”，“会觉得自己可以做得再好啲，虽然自己年资尚浅，但呢个都唔系借口嚟嘅，始终观众睇系唔会去帮你谂呢啲嘢。”
点击下图看更多Edan的家居“走光look”和再扮阿田︰
Edan是剧集的主角，他表示拍这套剧时好赶，每日都足全日，十多个小时，他说︰“密集到好夸张，一日拍廿场，电影而家一日拍5、6场，你可以想像到差距差几远。”Edan跟家人的关系很好，会跟妈妈和妹妹一同看《大叔的爱》，不过阿妈和阿妹就笑言他的表情太样衰，Edan指他看到有人留言指本身都觉得他OK，但看完《大叔》的阿田，就表示“太样衰，不了”，Edan笑笑口回应︰“so sorry about that，其实我就唔系咁样衰嘅都，其实我都OK，因为喺套剧嘅时候啲表情做到好夸张，笑又笑得好劲，啲牙肉又出晒嚟，鼻哥窿又扩张，只眼又就嚟甩出嚟咁，眼球关注组啊嘛！”
点击下图看更多精美剧照︰
Edan在直播中又讲到︰“我见到有啲报道话仲正过日版，搞笑过日版，咁我又觉我未至于嘅，因为始终日版真系做得好好，特别系阿田呢个角色，日版阿田，田中圭呢，真系冇得比啊，两回事嚟！”事关别人的演戏经验丰富很多。讲到阿田这个角色，Edan自言现在看剧也会有点尴尬，他直指阿田系一个“仆乜，乜街”，看日版时有点忟憎，但又要演这个角色，于是有认真想过“要点样令到佢冇咁仆乜呢”，希望大家对他手下留情。
《大叔的爱》中，阿田跟阿牧（Anson Lo卢瀚霆饰）有不少吻戏和身体接触的戏份，令粉丝们边看边尖叫，有人问Edan︰“Anson Lo个嘴好唔好嘴？Edan笑说︰“我唔记得咗啦，太耐啦，可能嚟紧揾日嘴一啖睇吓咩feel啰！”之后他显得尴尬加苦笑表示“唔识答”、“咪又系一个嘴啰！哈哈”，Edan后来说︰“我记得有人问我，拍完之后觉得自己有冇potential成为同性恋，坦白讲，我拍完呢套，嘴完之后，更加确信自己系唔会钟意男仔。同Anson Lo真系嘴左好多次，中环𠮶幕嘴咗成廿几次，total加埋可能40次？试过有激烈嘅接触啦，激烈嘅碰撞，锡得劲啲啦，更加觉得唔系𠮶样嘢啰。”他听过坊间有人讲过“人系冇100%直嘅”，而Edan见到男生跟男生接吻是觉得没有问题的，他后来说︰“我都觉得我会唔会未必系100%呢，我真系有谂过嘅，但系我可能系80%啰。”
Anson Lo跟Edan同是MIRROR成员，本身已经是好友，Edan说︰“好开心呢套剧同佢拍，我哋本身好熟，所以系帮到我哋做呢套剧好多，唔会尴尬，有乜就讲。”大家演得不好的地方就会跟对方讲，互相督促，一齐成长。“我真系当平时同佢相处咁样做，呢套剧令我哋更加friend，更加了解大家，因为呢套剧熟咗之后，佢就成日话我燥佢底，而家我对住佢系最易忟憎，呢件可以系一件好事，因为会展露我嘅负面情绪喺佢面前，平时我都唔会点展露，但系对住佢我会发出嚟。”
Edan续说︰“但系要好似《大叔》咁样嘅关系，真系千年一遇，难得一次，真系好难再有一个机会同佢再做情侣。当初接到话拍《大叔》，（我系）‘吓，我要同Anson Lo嘴？’𠮶时我哋个反应系咁嘅，我哋即刻系癫咗‘What？同你嘴？唔系啊嘛？’但系到而家，呢件事已经变咗系轻描淡写，小事啦，所以我哋都已经惯咗，当然我哋而家唔会见面就嘴啦，我都唔好再嘴㗎啦，冇呢个需要啦，都好开心呢套剧同佢一齐拍。”
Edan除了大赞Anson Lo演技进步神速外，又大赞同是MIRROR成员的Stanley（邱士缙）的演技，激赞他是MIRROR的“演戏担当”，表示︰“佢对做戏𠮶份认真同坚持系好respect嘅，佢超认真，亦都会建议我同阿Lo。”不过他又忍不住讲笑︰“但系佢一认真我同Anson Lo就会觉得佢好好笑，就会喺度扮佢。”他后来说︰“Stanley个角色性格都好鲜明，不过最渣系唔同Francesca（简慕华饰）嘴。”令人非常期待Stanley跟简慕华的戏份！