专访 |“刘家良徒孙”何慈茵望复兴香港武打片：想拍到师公遗作

“刘家良徒孙”何慈茵（Charlene）于ViuTV举办的《G-1格斗会挑战赛》（2016年）、《G-1格斗会2》（2018年）及上周播映的《奥运会前哨战：Fight尽》展现超班武术水平，表现亮眼。
由一代经典武打演员及导演刘家良手把手教导下的徒孙，武术功底自然毋庸置疑。Charlene受父亲何麦（Mark Houghton）影响，5岁已接触功夫。身为洪拳大师的何麦对女儿自然寄予厚望。背负着“刘家良徒孙”之名，以及父亲望女成龙的压力，Charlene在比赛落败后忍不住当场爆喊。但是父亲竟然没有破口大骂，反而拍手大笑，坦言对Charlene感到骄傲，“佢觉得我好有一个fighter's heart，佢觉得我系一个真正嘅拳手。”
摄影：梁碧玲

生于武术世家　5岁学洪拳

Charlene生于武术世家，父亲何麦是英国人，因醉心于香港武打片，18岁时毅然决定远渡重洋来港，向当时已颇有名气的刘家良拜师学艺，并遇上了Charlene妈妈，继而诞下Charlene。混血儿Charlene是土生土长的香港人，连中小学都是中文学校。

“第一次接触系5岁，爸爸用游戏形式学功夫。认真学系14岁时候，第一套拳系洪拳，弓字伏虎拳。”虽然5岁已学功夫，但小朋友不懂事，Charlene曾于幼稚园踢腿误伤同学，父亲因而不再教Charlene功夫。年岁渐长后，Charlene看见父亲于粉岭拳馆教徒弟，他们模仿动物形态打出各种招式，她深深著迷，“觉得功夫好靓、好花巧”，遂主动向父亲提出想学功夫。

刘家良亲自教授“功夫双臂手”

何麦得悉女儿有意继承衣钵喜出望外。严师出高徒，何麦对女儿毫不手软，“佢训练我嘅过程当我男徒弟咁练，佢唔会就我，好苛刻、好高要求。”而师公刘家良亦不时到访拳赛，亲自教Charlene套路，“功夫双臂手系佢亲自教我，佢间唔时过嚟拳馆睇下我嘅套路，执下我啲动作。”

Charlene与刘家良学拳片段：

母亲担心女儿学拳受伤：女仔之家手脚瘀晒

另一边厢，母亲最初对Charlene走向武术之路反应冷淡，“最初妈咪见到唔钟意，女仔之家，手脚瘀晒，又容易受伤，又辛苦，佢唔系太开心。”虽然母亲不舍得Charlene受伤，但爱女心切，她最终仍放手让女儿做她喜爱的事。

直至26岁，Charlene遇上了电视台开拍第一季综合格斗技（MMA）真人骚，蠢蠢欲动想一试身手，但母亲却强烈反对，“佢好强烈反对我打比赛，佢话你受咗伤点算，有啲伤受咗系一世，例如整花块脸、毁容。”Charlene惟有拒绝赛事。直到第二季开拍，Charlene才成功说服母亲，一尝比赛滋味。

Charlene《G-1格斗会2》打MMA：

背负“刘家良徒孙”之名比赛落败爆喊　父亲称赞：真正嘅拳手

Charlene赢下了首场比赛，但之后却因太害怕丢父亲及师公架，抵受不住沉重的压力，于第二场比赛尝到了落败滋味。Charlene赛后当场崩溃爆喊，“发挥唔到自己应有水准，觉得辜负教练、爸爸期望。好大压力系来自爸爸，对我要求好高。”

出乎意料之外，父亲在旁拍手大笑，坦言对Charlene大感骄傲，“第二场输咗，以为佢会以为我影衰佢，点知佢冇，我好surprised，我𠮶场仲要衰咗系度喊，佢喺隔离笑。啲人就问：‘你个女输咗、又受伤，你仲笑？你唔担心？’我Daddy话：‘我proud of 我个女。’佢话睇得出我有斗心，冇退缩，觉得我好有一个fighter’s heart，佢觉得我系一个真正嘅拳手。”

父亲曾持刀护女：佢会奋不顾身为我出头

父亲温暖的反应拉近了与Charlene之间的距离。Charlene承认因父母离异，自小跟母亲及婆婆同住，与父亲关系疏离，“心事会同妈妈讲，同爸爸唔系咁亲密，我都想令到我哋关系更closed。但到而家为止，都唔会特登同爸爸出嚟食饭、倾偈，同爸爸唔系咁多心灵交流。”

即便如此，Charlene深知父亲的爱不假，“爸爸以前系个比较冲动嘅人，好容易同人发生冲突，身上都唔知有几多条刀疤。出去食饭，人哋对我冇礼貌、我畀人虾嘅时候，佢会奋不顾身为我出头。”Charlene又笑着忆述，父亲曾因担心她被男仔欺骗，曾持刀质问心仪Charlene的男同学。

“中学一班朋友嚟烧嘢食，咁可能有个男仔对我有啲意思啦！我朋友就将呢件事话咗畀我Daddy知。哗！我呀爸私底下攞把刀行住佢，之后个男仔好惊咁转述畀我知，‘你阿爸攞把刀行住我，问我系咪想追你。’搞到吓走晒啲男仔，佢哋唔敢追我。”

拍过4次拖　男友钟情其性格温柔率直：其实我好娇嗲

谈起爱情，Charlene会担心太粗鲁而异性缘淡薄吗？Charlene笑言的确有不少男仔会害怕她，“好多男仔都惊我，特别见到我：‘哗！咁打得！’同埋认识我Daddy嘅男仔都唔敢认识、approach我。”

Charlene喜爱跳钢管舞：

但Charlene自认个性娇嗲，如今已拍过4次拖，男友都是斯文型，“我成日幻想男仔好运动型、好大只，好保护到我。反而我交往过嘅男仔都系完全相反，佢哋唔打拳，好斯文，瘦削，好锡我。有一个做健身教练，佢唔系玩健美身形。”她坦言健身教练前度就是喜欢她的爽直坚韧。

“佢钟意我平时温柔，但打拳就好突出嘅女仔。我系好粗鲁、爽直、男仔头，佢就系钟意呢种类型。因为我唔系好斯文、好港女风格；唔会太姿整，每日打扮，着到成只雀咁。佢钟意我随和、容易相处。”她又笑言不介意调转头保护男友。

签约邵氏及无线：想将师公留低最后一份剧本拍畀观众睇

如今的Charlene认为结婚拍拖一切随缘，并希望将生活重心转移至演艺事业上。去年她与邵氏签了五年合约，今年同TVB签了一年合约。踏入演艺界的原因，是希望继承师公刘家良遗愿，复兴香港武打片。

“而家好多武打场面就系爆破、枪战，追嚟追去，好少埋身肉搏既打戏，功夫技巧更加少，我好想将呢样嘢带返出嚟。”而原来刘家良生前曾留下了最后一份剧本，Charlene希望完成师公心愿，“呢个都系我同我爸爸嘅心愿，睇下可唔可将师公留低呢份剧本拍出嚟畀观众睇，佢最后一份作品。”

点击看更多Charlene美照：