【劲歌金曲】胡鸿钧澄清没有与吴业坤不和：仲有好多友情可以消费

近日“巨声帮”的吴业坤、胡鸿钧（Hubert）、许廷铿（Alfred）等突然闹出“不和之说”，有报道指坤哥嚣张到冇朋友，要孤独庆功。老老豆豆，闹不和其实都几老土，因为艺人多数都会例牌否认。而Hubert和坤哥的澄清方式，不单止用口讲，两人更在今年《劲歌金曲颁奖典礼》上和JW王灏儿一齐将友情“摆上台”，三人在台上互相支持对方唱歌，力证感情要好。

完骚后Hubert接受访问，一听完关于坤哥的问题后，他即说：“我唔想益咗坤哥，明明系我嘅访问，做咩要讲坤哥㖞。”好似好寸咁㖞... Hubert续说：“系大家觉得我哋系好朋友先会传不和嘅，但的确呢段时间大家都各有各忙，大家都要拍剧，的确系见面时间少咗，但并非外界所传话我哋闹不和。”原来开头只是开玩笑，吓死朕咩。

讲到多次约食饭都不成事，Hubert就话每次约食饭坤哥都要工作：“我真系有上网睇睇有冇乜嘢蛛丝马迹，确认佢有冇讲大话。”Hubert讲完之后，更笑住自认小心眼。其实有时友情就是这样，够胆互寸才是真好友。

谈到今次劲歌两人各有一奖，大家叮当马头，Hubert听后即说：“好彩冇输畀佢啫！”他又表示无论谁夺奖数目较多，都一样是坤哥请食饭，原因是要弥补之前放飞机太多：“约咗好几次佢都唔得闲，以表诚意呢，到下一次食饭时佢请返我食，我觉得系天公地道嘅，我会专登拣一间贵餐厅，彰显下佢身分吖嘛。”

至于颁奖礼，明摆“友情”上台，营造感动气氛，Hubert亦直认算是一个表演环节，目的是希望重现7年前巨星舞台：“同坤哥比赛时同台有个环节，当时有个组合叫‘清新靓声’，仲有陈慧敏，虽然慧敏哥现在变咗JW，但在台上都谂返起《巨声》嘅日子，几感触。”问到会否太消费“友谊”？Hubert就话：“唔紧要，我同坤哥之间友谊有好多，可以慢慢消费！”

另外，劲歌完骚后，Hubert和Alfred就随星声的其他歌手去了公司庆功宴，而唱片公司为星娱乐的坤哥今次就不用再孤独庆功，与同公司的郑世豪一齐和同事庆祝，而帮忙订台的居然是“𡃁妹”李绮雯，𡃁妹更在Instagram甫合照写到：“吴业坤话今晚帮佢book到台食饭，会以身相许我拒绝左（咗），有冇人要？”有美女相伴，坤哥连合照个样都迷迷地，可能有人陪，开心得滞饮醉咗？