193劲接Job称收入多到计唔到　叫古天乐帮ERROR开戏：佢好玩得！

ERROR自ViuTV节目《ERROR自肥企画》后人气日增，劲接广告揾真银，周六（26日）成员193（郭嘉骏）及肥仔（梁业）在尖沙咀出席公开活动，吸引大量粉丝到场，期间警察指粉丝涉违反《预防及控制疾病（禁止群组聚集）规例》（第599G章），即时驱赶外围粉丝并在场外拉起封锁线，活动扰攘逾半小时才正式开始。

ERROR闹市活动引超过200人聚集　现场涉违反599G警察驱赶粉丝鼓噪

活动后，193和肥仔接受访问时笑指久违出席公开活动，终将ERROR实际人气呈现人前，193说：“我都听过唔少客想揾我哋出公开活动，不过我哋个价太贵搞唔掂，就比较少出。”他们又称相信粉丝会自律及大会安排，未担心活动会取消。

提到ERROR多Job接，193便认收入甚丰：“多到计唔到，我不嬲拍广告唔问价钱，公司一定会倾好价钱先帮我接，但公司就比较迟出粮。”肥仔续言：“就算收入有几多都会继续乞丐Ｍode，唔会因为收入多咗而唔𢯎捞。”

谈起《全民造星IV》正公开招募女团，网民纷纷推举ERROR做导师，两子都表示十分渴求，193说：“导师可能未有资格，唔做导师都日日去睇，99个谂起都开心我唔识跳舞都想教人跳，女参赛者一定要着短裙，佢哋着我都可以着！”令肥仔十分震惊。不过193就提醒肥仔小心绯闻，肥仔就大方指：“有啲嘢你愈避人哋觉得你愈鬼，你大方处理反而冇乜嘢，好似你咁咩？”193就一改大胆发言风格：“感情事我唔回应。”

至于193将主持《晚吹 - 恋讲嘢》，以及传闻中的《入住请敲门3》，他说：“节目8月开始，嚟紧7月开始试厂录制。《入住》好大机会拍嘅，其实冇3㗎嘛，但依家疫症问题……都可以去外国拍嘅，但要隔离21日㖞，我就帮公司揾少好多钱，所以唔得，希望疫情快啲好返可以拍。”肥仔声言ERROR其他成员可以帮忙顶Job，3爷笑言：“但啲钱畀返我得唔得。”

ERROR四子早前与古天乐合拍外卖广告，内容盏鬼引起不少回响，193这个组合是今生冇来世，肥仔说：“估唔到古生原来咁钟意我哋，网民话古生系咪特别钟意我，因为佢系咁揽住我， 亲密接触多！”193亦表示意料之外：“估唔到古生有睇我哋节目，古生真系好玩得，有边个前辈可以同我哋呢啲咁黐线嘅艺人玩得咁融洽？”肥仔大爆一早夹好跳《今期流行》：“我哋一开头夹计都好惊，佢拧转面嘅时候我哋即刻缩，跟住193后尾真系跳畀佢睇。”193续言：“我觉得古生系玩得嘅， 我跳完之后佢都好开心；希望迟啲可以同古生有多啲合作啦，话晒佢都系电影公司老板，开返套戏畀我哋系基本啦！同埋古生真系好提拔后辈、畀好多意见我哋，多谢佢。”