钟培生不满林作借“佛祖”Kirsten抽水︰踩一脚消费去呢个女仔

林作与钟培生的拳赛9月才上演，不过二人不时一同上节目，例如早前一同上无线节目《Mean Talk》做嘉宾等，令外界质疑他们上演的是一场戏，但钟培生多番否认。日前，钟培生于郑裕玲（Do姐）主持的节目《口水多过浪花》中接受访问，除了谈及自己的电竞事业，又再次讲到了林作。

钟培生再谈及跟林作对对方开始看不过眼的始末，Do问钟培生︰“同林作咁多宣传，会唔会见到佢顺眼啲？”钟培生说︰“唔系啊！愈睇愈唔顺眼！”他解释道︰“即系好似近日有个足球员，佢休克咗，佢又抽水。跟住啱啱港姐，佢就去笑人哋，可能𠮶个女仔（意指有“东涌罗浩阶”之称的Kirsten），普遍香港人，好多喺网络上嘅留言系笑紧佢，话佢似男人，似男明星，林作系去踩一脚去消费呢个女仔，我觉得呢啲系好反感嘅嘢嚟，但系既然都9月打，冇咩嘢好讲，我由Day1到而家都讲，我会打爆佢个嘴，呢样嘢都系会发生。”对林作种种的不满，他觉得应该要在擂台上解决。

再讲到钟培生人生接下来想完成的愿望，他表示自己很多事都未做到，很多事都想做、想学，“好想结婚生仔”，Do姐问︰“30岁咋㖞？偏早㖞。”他表示要“修身齐家”，Do姐又问他家里会不会给他压力，催他结婚和传宗接代，继承家业，他说︰“咁又完全冇，因为我爸爸妈妈好早婚嘅，所以成日都叫我唔好咁早结婚，我每次都话想早婚，佢每次都叫我唔好咁早结婚，但系我自己就觉得缘份整定嘅，边个系你老婆边个系你小朋友，一早整定嘅，我系想结婚生仔。”

钟培生在访问中虽然大部分时间都谈自己的事业和理想，不过依然惹大量网民的不满。事关Do姐在IG贴出跟钟培生的访问和合照，极多网民留言反对Do姐请他做嘉宾，纷纷表示︰“一个拉低Do姐节目质素嘅嘉宾”、“几时变到咁低质”、“一听到立即熄机！”、“真系第一次听到燥底要转台”等等，看来网民们都好激动。

同场加映Kirsten专访︰风头人物 | “佛祖”Kirsten唔识林作：唔应该借我名敲诈他人钱财

同场加映︰香港小姐2021｜“翻版杨采妮”IG相劲标青　清纯大方极有冠军相