专访 | 七仙羽断言姜涛会红过刘德华：佢攞到第一名都系命运
ViuTV今期红人除了MIRROR、ERROR外，其中一位必定是凭《鬼同你上位》一句“师傅爱你”而蹿红的七仙羽师傅。七师傅靠无厘头对答、浓浓的谭仔口音，加上“唐人街选美冠军”、“克罗地亚我玩晒”的爆棚自信，成功掳获观众欢心。
七师傅上位短短半年，广告费由几万元暴升至近七位数，她形容钱多到“升得快过比特币”。她坦言，自己和MIRROR、ERROR或因前世一齐修炼，今世注定会“撞埋一齐”霎时爆红，她又断言姜涛会红过刘德华，“佢攞到第一名都系佢命运。命运系整定咗㗎啦！我大运系行几十年好运，啲嘢会出现就会出现，我冇计㗎！”
摄影录制：叶志明
剪片：颜汉真
曾设址尖沙咀同钟镇涛李香琴做邻居
七师傅的办公室位于深水埗基隆街一座唐楼三楼，街上充斥菜档肉贩的叫卖声，人潮如鲫，而其办公室门外布满符咒，楼下是洋溢神秘气息的一楼一。为何选址于龙蛇混杂的深水埗？七师傅解释，十多年前她设址于租金高昂的尖沙咀大厦，邻居是艺人钟镇涛、李香琴，却因装潢太高级而吓跑客人。
“2007年租嘅Office喺尖沙咀新世界𠮶度，而家变成K11。𠮶度十几万一个月租，全海景，好豪华，咁啲人客嚟见到好惊，入大堂都惊。喺𠮶度派食物，啲人都唔要。”
不介意到TVB上镜：不过佢哋冇揾我
派食物、做法事、拍节目、满档的应酬，紧凑的行程表令她每天都睡眠不足，七师傅接受完访问后，还要赶往出席城中一位贵公子的饭局，她笑言以前桃花运旺盛，但现已“挨到残晒”。虽然人气急升，却没有带挈其生意暴升，“可能因为我拍嘅都系综艺节目，啲人觉得我搞笑，唔系专业节目。”
七师傅《鬼同你上位》爆出金句“师傅爱你”之精华片段：
与形象专业严肃的麦玲玲、苏民峰等风水师傅相比，七师傅活泼搞笑，别树一帜，因而令她脱颖而出。她不抗拒行ViuTV贴近年轻人、创新独特路线，搞笑是为了散播欢乐，也毫不介意被嘲“骑呢”，因为她理解电视台风格。但若是机会来到，她亦不介意捞过界到TVB上镜，也不怕会得失年轻人粉丝。
“第一，我连鬼都唔怕，我冇嘢怕㗎啦！第二，TVB从来都唔揾我，所以如果我仲谂呢个问题，我咪庸人自扰。不过我都唔知点解佢哋唔揾我，可能佢哋冇睇Viu，唔知有我呢个人。”
同行妒忌反遭报应：佢最深爱嘅囡冇咗只脚
不过七师傅家底丰厚，曾于直播中公开嫌林作赚钱太少，“全副身家先过亿，仲少过我”，可见她也不靠拍节目揾食。人红是非多，她曾因太触目而招来行家妒忌。“以前好多人想搞我。有个师傅想搞我，后来报应弹返畀佢，佢最深爱嘅囡出事，冇咗只脚。但之后行家会无奈、妒忌我咁多年。好似嘥咁多精神时间，我都咁红，佢哋都搞我唔掂。”
风头人物 | 林作“小丑”背后源于父亲一句话：睇死你呢世冇成就
她相信有料自然揾到食， “呢行有4万几个师傅，点解我不断学习，因为竞争激烈，我有个茅山派师兄，一个月才赚7千多元，呢啲都系命。”
断言姜涛会红过刘德华：肯定唔止十年
既然万物皆是命，七师傅又能计算到MIRROR和ERROR会红多久吗？她语气肯定地表示，MIRROR和ERROR都会红足十年以上，而MIRROR更会称霸亚洲，又大胆断言姜涛会红过刘德华，“因为刘德华老啦嘛！60岁、半退休。而姜涛后生，一定系一浪推一浪。我都钟意刘德华，仲同佢影过相，但你同后生仔比，点比？”
她续分析，指MIRROR前世做过修行人，今世才会大红大紫，“佢哋成班前世都做过修行人，只不过有啲Level高啲、有啲Level低啲，可能喺同一间寺庙修行，唔出奇㗎！呢啲命运令佢哋聚埋变做一个Team，一齐唱歌跳舞。佢哋𠮶班可能前世成日聚埋一齐念经，大家福报、缘分都接近，今世咪聚埋一齐做MIRROR。”
外籍男友为争七师傅同老友打交反面
七师傅与MIRROR、ERROR拍节目，出席各大活动时，总有位背后的男人陪伴左右，为她打点事务。七师傅外籍男友叫Jerald，出生于荷兰，现从事私募基金工作，经常与外国富豪打交道，更曾于哈佛读书，两人拍拖多年都恩爱如初。
即看七师傅和男友的甜蜜合照：
兴许是鬼妹仔性格，七师傅从不忌讳于外人面前为男友冠以甜蜜称呼。两人相识于中环一场时装活动，男友因为追七师傅而与好友反面。
“𠮶阵有个外国人追我，追到我好疯狂，好钟意我，请我去Fashion show。我唔钟意佢，佢话：‘我VIP位都预咗你㗎啦！你唔出嚟我就好尴尬。’咁我就唔系好情愿咁出嚟。出嚟之后佢就逐个介绍佢朋友，其中一个朋友就系我而家呢个Honey、Darling。佢见到我就好钟意我，觉得我好靓，就追我，后尾佢两个就反咗面啦！为呢件事打交、嘈架。佢哋系同一个商会，每一次喺商会开会都面阻阻。”
早已看淡名利：你乜嘢都想要，你咩都冇
七师傅钟意男友靓仔高大、善良和好脾气，她直言拍拖从来不会计算八字是否相合，“我系对于男人、钱财都冇所谓。以前读书好想快啲揾个男朋友拍拖，但揾亲就散，可能个男人觉得我刁蛮，相处唔到就分手。后尾我乜都唔追求，就乜都有。”
她奉劝大家放下外在追求，“对感情、爱情、事业，唔好揸得太紧，逢亲你乜嘢都想要，你咩都冇；反而你乜都冇所谓，你就乜都有。”
上帝早已预备：姜涛攞到第一名都系佢命运
说到这里，难道命运是注定的吗？如果普通人想似MIRROR、ERROR、七师傅般大红大紫，追求梦幻爱情、优渥生活，靠努力能够成事吗？七师傅认为，一切命里皆有定数。
“姜涛攞到第一名都系佢命运。好似范冰冰同赵薇拍《还珠格格》，以前丫鬟嘅仲红过做格格。呢啲乜嘢都系整定，唔好同人哋争。好多人想做李嘉诚个仔，但做唔到，人哋系有咁多福报，系修行人嚟，修行咗好多世。”
话虽如此，七师傅却鼓励大家，其实命运可以改变，原来答案早已蕴含在金句“师傅爱你”中，“你要做大量慈善，咁一个人爱嘅能量好多嘅时候，能量、磁场就会变，佢出世唔好嘅磁场能量都会变。”
七仙羽（英文名为Connie，中文名为法玛）是马来西亚人，长于英国，大学主修新闻，硕士是商业管理，博士未毕业，曾于台湾TVBS、美国之音、法新社任职记者，兼任填词人。学师于七星派和茅山派，在外国学习西洋风水，现为佛教徒，“七仙羽”这个行走江湖的名字是扶乩而来。
即看七师傅其他靓相：