Anson Lo太圆滑易被人误会 花姐︰大家唔了解佢就会用虚伪两个字
ViuTV新节目《调教你MIRROR》即将播出，MIRROR有11位成员出席记者会（Edan吕爵安因工作未能出席），为节目造势。而节目的导师梁祖尧（阿祖）和经理人黄慧君（花姐）也有现身，二人一同接受访问。被问到会否想再做一个《调教你ERROR》的节目，花姐明言︰“我谂调教ERROR你（阿祖）会更加辛苦，因为你应该搞唔掂佢哋4个，你讲一句佢哋讲十句。”二人异口同声表示不用调教ERROR。
今次要一次过“调教”12个男生，阿祖直言比拍《调教你男友》更有难度，“因为佢哋唔系素人，同埋观众对佢哋已经有个expectation，《调教你男友》嘅时候容易做嘅原因系因为呢一班真系一班素人，而佢哋真系愿意嚟参加。但系我唔知佢哋（MIRROR）有几愿意，（花姐︰佢哋唔愿意㗎。）佢哋唔愿意，因为演唱会仲有几个礼拜就做，佢哋一开始嘅时候（心谂）‘点解我哋仲要嚟拍啲咁嘅嘢’。”花姐爆料原来MIRROR更有因为要拍这个节目而怪责她，她说︰“我记得佢哋系有闹我㗎，‘其实演唱会已经唔够时间筹备，点解你仲要我哋嘥10几日入camp，你有冇体谅吓我’，我记得佢哋系有咁样闹过我。”阿祖指一开始时，MIRROR对整件事也非常有戒心，不愿意投入，但制作组又不可以向他们解释，因为整件事不可以“穿桥”，被他们知道拍什么。
MIRROR在“被调教”完后，沟通增加了，被问到哪位成员的进步最大时，阿祖和花姐就各自挑选两个人去点评。阿祖直言每个人都改变很大，但就有次序，有人先有人后，因为早前已讲过Lokman（杨乐文）、AK（江𤒹生）、Ian（陈卓贤）、Alton（王智德），所以阿祖就选了Jeremy（李骏杰）和Jer（柳应廷）和点评。他直言Jeremy的改变好大，以前他将所有事都藏在心里不说，“因为佢个梦想系做一个男团，然后佢所有嘢都忍，所有嘢都我为大家付出，冇所谓，所以佢冇脾气㗎，佢好关心大家，好爱大家，但系佢索晒所有嘅嘢自己受，但系而家Jeremy终于会发脾气啦，终于大家讲啲咩唔啱听嘅时候，（佢会话）‘我真系唔开心’，佢会直接讲出嚟。”
至于Jer，阿祖觉得他本身也是一个慢热和内敛的人，花姐苦笑说︰“但系阿Jer而家识驳嘴啊！”阿祖︰“佢话要同好熟嘅人，佢先会驳嘴，即系话佢同大家都真系开始熟。”花姐就讲Tiger（邱傲然）和Anson Lo（卢瀚霆）。花姐和阿祖都大呼︰“好钟意Tiger！”花姐觉得Tiger是一个好礼让和被动的人，他每次都会说︰“哥哥做先啦！”、“我大把机会，我第日大个”，将机会让给队员，花姐说︰“但系身为佢妈妈，你就会好忟憎啊，你可唔可以积极啲，你积极啲可能你得到更多机会呢，其实你系得㗎嘛，你有才华㗎嘛，如果唔系我都唔签佢啦，但佢又要收收埋埋自己，就系为咗畀机会人。但系经过咗呢个节目之后，佢好似知道，我畀机会哥哥唔代表我自己唔争取，咁佢就开始表达到好多佢嘅嘢畀我听，呢个转变系令我觉得，大个仔啦咁！”
阿祖又发现姜涛跟Tiger非常不熟，所以要成立“姜虎关注组”，他说︰“因为我头几日camp嘅时候，我发觉佢哋完全冇讲过嘢，永远都系姜涛坐呢边，佢就坐另外一边，直头系唔识啊我觉得佢哋。”直到有一晚他叫二人一起对话，叫他们要和对方做朋友，每日要和对方讲50句话，说什么都可以，阿祖大爆一开头他们就不断在“猜枚”，是他们友谊的开始。他又大爆他对二人说了一番话，不知道镜头有没有影到，他说︰“其实你两个系MIRROR里面最细𠮶两个，MIRROR第时系靠你哋两个，然后𠮶班哥哥系会攰，佢哋系会老㗎，你哋仲有好多路要行，但系你哋两个就系之后要pick up呢件事，所以你两个而家要做朋友，你哋而家要一齐mon住呢件事点样行。”见到他们开始做朋友，阿祖笑言感欣慰。
花姐讲到Anson Lo的改变，她说︰“Anson Lo以前大家会觉得佢系一个好有礼貌，好gentle嘅人，咁佢真系好gentle，但系佢gentle嘅背后系因为佢觉得咁样就唔会得罪人啦，大家会见到佢最友善嘅一面，唔会令人难受，但系因为咁大家就会唔了解佢，就会用虚伪两个字、世界仔（形容佢），都唔系好嘅term，经过呢个camp之后，我同佢相处，又系令我难受，佢黑我面而家，佢会表达畀我睇，以前佢唔会同啲兄弟讲有咩唔满意，但系佢而家会好真实咁同啲兄弟讲，呢个真实嘅Anson Lo反而系令大家觉得近咗。”阿祖指现在Anson Lo会直接问Anson Kong是否黑面，以前他一定不敢这样说。
再讲到人气王姜涛，他很多时接受访问时，在团队中不算多言，花姐就表示他是一个慢热的人，阿祖︰“你会喺节目里面会见到另一个佢，你会见到真正嘅佢。（花姐︰一个好成熟、好有谂法、好识照顾人嘅人嚟嘅，不过佢始终慢热，佢未必可以对外表现到呢样嘢就真嘅。）”而花姐在看完Lokman的一集也“爆喊”，现在说起也想哭，她说︰“我发觉原来好多嘢我唔系了解得佢咁深，我从佢把口（听到佢）亲自讲呢番说话嘅时候，我有啲觉得我欠咗佢嘅，但系佢嘅改变又令我好感动，所以我喊得好紧要。”
点击下图看更多MIRROR的靓仔相，更有Anson Lo和Jer绝密“出手”画面！
点撃睇更多《调教你MIRROR》花絮照片：