开心速递｜周嘉洛轻松暂别剧组　熊家不舍金城安赴吴旺达打荀工

周嘉洛因拍摄新剧《痞子殿下》而暂别《爱‧回家之开心速递》，上星期嘅剧情已讲述他由“岛大”毕业，而今晚（1日)播出一集“再见安仔”讲到金城安获吴旺达领事馆聘用，故需要离港一年。不过整集嘅发展，一如监制林建祥所讲“开心事会轻松交代”，但当中亦加插了不少温情位。

剧集讲到熊家对安仔嘅离开十分冷淡，仲人未走已进占其睡房，身为妈妈嘅熊尚善(滕丽名)仲话“成日话自己要走，你烦唔烦？”、“大个仔啦你仲要饮奶咩？”，并临时决定出差，令安仔十分失望。不过就系安仔孤身上路之后，众人才表示不舍，又解释表现冷漠系因为怕安仔感情用事，如果知道大家唔舍得佢，随时会因而留下来。

安仔抵步后，发现床单同被都系自己平时喺香港所用嘅，而宿舍同事佢亦照顾有加。原来一切都系熊家嘅安排，当中包括原先出差泰国嘅熊尚善，原来系去吴旺达，并率先到金城安嘅宿舍打点一切，又送厚礼予工作人员、而熊树根为拜托陈师奶亲戚照顾安仔，不惜让对方“洗劫”熊家厨房……一如如安仔所讲，吴旺达领事馆呢份真系荀工，连午餐都可以有三小时，一星期至少有两日假期，时间多到唔知点用嘅佢，离港一个月已经寄60多张明信片返屋企，又每日至少一视讯，搞到熊家上上下下都觉得十分烦厌，仲直言“烦到好似未走过咁”。

同场加映：开心速递｜金城安告别岛大终于威返次 尾段回忆画面令人难忘