林作前哨战零底线露体都冇所谓　裕美爆：佢喺阿妈面前都裸体

林作与钟培生的拳赛9月才上演，赛前一来一往的口水战已相当精彩，二人将会在拳赛前拍摄17LIVE的特备节目《钟林大战》，不过二人周五（21日）出席记者会就坚拒并排合照，火药味浓。林作携女友裕美一同出席，声言每日均勤奋练拳，更开始练成腹肌：“日日都练，越来越大只、越来越打得，畀多四个月我觉得自己赢梗！”裕美亦认同此说法：“佢之前手瓜系软嘅，以前我觉得自己大只过佢，而家平衡返好开心，终于似返个男人。”对于早前被指与女教练对赛，林作就不觉女教练较弱：“女人好打得㗎，我隔篱呢个高手嚟！”

至于答应拍摄前哨战节目的原因，林作坦言：“因为有钱，我阿妈冇畀钱我，所以我需要钱！”他直言受邀金额达6位数：“都满意，顶得到去9月，始终要打完先有100万。”林作声言已准备必杀技在前哨战中先声夺人，更不为自己设底线，谈起近日《ERROR自肥企画》之尺度他就说OK：“露体露毛都冇乜所谓，我睇过节目都OK，呢啲尺度好湿碎！”裕美大爆：“佢最近先喺阿妈面前裸体，完全冇着！”

谈起钟培生欲邀林作前度麦明诗做拳赛嘉宾，他就含糊回复指：“我唔知佢安排点，但系我当晚除咗拳赛冇办法留意任何嘢，打完就走㗎啦，其他我唔知佢点。”在旁的裕美亦帮口道：“佢除咗眼镜就乜都睇唔到！”