姚子羚望李慧诗能为港争光　波波原来系花式溜冰高手？

姚子羚（Elaine）、方力申、邓佩仪等27位艺人今日（17日）现身将军澳电视城出席《2020东京奥运会》记者招待会，向来擅长跑步的Elaine坦言相对于跑步赛事，自己比较喜欢看跳水、女排项目，亦对有港队代表参与的单车项目大感兴趣：“好想支持一下港队，知道李慧诗啱啱攞咗金牌同银牌，希望佢可以喺奥运再下一成，为我哋港队争光！”

Elaine坦言非常佩服国家队运动员的表现，尤其是跳水代表总是能够做到完美无瑕零水花的表现，令她叹为观止。至于国家队的女排选手亦非常厉害，她更试过与家人买飞入场观看：“我嘅年代系去到郎平、赖亚文、后期嘅有惠若琪啦，我仲有专登去睇返前排𠮶套关于女排嘅电影《夺冠》，我好欣赏佢哋𠮶份毅力，真系唔怕辛苦，重复又重复去练，我自己真系做唔到！”

潜水教练出身的何泳芍（Honey）笑言自己喜欢看的奥运项目亦离不开水：“游水系必睇嘅，我最佩服菲比斯（Michael Phelps），但佢都退咗役啦！佢天生只手特别长，手掌又特别大，真系一个神话，我好钟意佢！”Honey笑言虽然无法接触菲比斯，不过亦相当佩服“香港飞鱼”方力申：“我有睇佢游渡海泳，哗！我真系超级无敌、超级无敌佩服！我教开潜水，我见到佢喺水入面呕，我真系好明白有几辛苦，我冇办法想像佢完成之后当时有几大嘅成功感！”

波波（黄凯仪）表示自己中学时期学过两年花式溜冰，所以零舍喜欢看相关赛事：“我最钟意嘅选手系韩国嘅Yuna Kim（金妍儿），我觉得佢嘅舞蹈、动作、感情都好优雅，系我最想学习嘅对象！”她表示希望可以有份参与花式溜冰比赛的旁述，感受一下奥运直播的气氛，可惜她应该无法在今个夏天实现此愿望，因为花式溜冰是冬季奥运才有的项目！