袁文杰讲波称“简迪过誉”被批偏颇　钟志光：佢表达嘅背后有理念

钟志光（钟Sir）今日（17日）现身将军澳电视城出席《2020东京奥运会》记者招待会，连续做了八届奥运的钟Sir坦言不少昔日战友已经离开而无法并肩作战深感可惜，尤其怀念两年前去世的排球评述员雷礼义：“我好怀念雷Sir（雷礼义），佢一路请我食叉烧，由细食到大，今年冇咗佢嘅叉烧难免有啲失落！”

今届奥运一共有五间电视台转播赛事，钟Sir坦言虽然有竞争才有进步，不过报道体育赛事难以拿出什么杀手锏来取胜：“体育方面系冇不二法门，实实在在老老实实如实报道，咁已经足够，呢个系做体育嘅基本法。”他又表示在曾志伟的领导之下，相信综艺节目方面会有不错的配合。

日前袁文杰在评述车路士对李斯特城的足总杯决赛时，因为讲了一句“简迪（Kante）过誉”，疑似批评对方过份被吹捧而惹来不少球迷狠批言论偏激不够专业，钟Sir为袁文杰护航，表示他的言论其实有根据：“我觉得对文杰有啲唔公平，佢表达嘅背后系有理念，有佢嘅分析系统，只不过系短短嘅直播时间入面冇办法同大家交代得到。我谂佢嘅意思唔系话简迪唔配做欧联两场赛事嘅最佳球员（MVP），因为大家都同意佢呢两场都打得好，但整体嚟讲，佢亦都唔系贬低简迪，只系话其他球员能力都唔错，唔需要单单将个荣耀摆喺简迪身上。”他又认为很明白球迷有自己的喜好，但希望可以全面知道别人说话背后的意思才作出批评会比较客观一些。

香港运动评述员分析比赛时向来气氛比较轻松，有时更会有讲有笑带动气氛，但却有不少批评声音指很嘈吵不够专业，更直言宁可转听英文评述。钟Sir认为这就是香港特色：“如果一场赛事，你谂下，平铺直叙去讲，例如‘简迪将个波交俾后面嘅施华’、‘施华交番畀龙门’、‘阿朗素又失咗个波’，咁你系唔系会觉得好闷吖？但如果大家讲下‘简迪好搏㖞喺前面！’、‘皇马其他球员都咁好㗎啫’、‘哎呀简迪啱啱又失咗个波喇！’，大家系咪都会觉得兴奋啲过瘾啲？”