56岁曹永廉秘密入院一星期　五劳七伤曾做心脏手术兼患耳水不平衡

56岁嘅曹永廉近年相当勤力，不停喺萤幕前亮相，拍剧主持唱歌都涉猎。原来早前佢秘密入院，足足住咗成个星期医院。

曾于节目自爆有遗传性糖尿病嘅曹永廉，原来前年拍《爱美丽狂想曲》嘅时候，心脏出现问题有血管塞咗，当时等拍完剧就秘密入院做通波仔手术。近日佢又因为肾石问题，痛到行都行唔到，要入院等啲肾石自然排出。再加上饱受耳水不平衡折磨，正连踩两剧再兼顾内地生意嘅曹永廉可谓五劳七伤，真系要好好保重身体呀。