逆天奇案｜麦玲玲出动过千万私伙参演 惨被捆绑又要露膊博到尽
《逆天奇案》今日正式首播，早前讲过这部剧客串阵容强劲，因为《逆天奇案》是以单元形式进行，所以有不少单元主角，麦玲玲便是其中一位。
麦玲玲经常会在电影、剧集客串出现，不过今次是难得一个比较有戏份的角色，在接受《香港01》访问时，她说：“今次戏份系多过以前，因为角色上系单元角色，所以家豪哥都叫我认真揣摩呢个角色。以前好多时我都会客串，因为好多监制都钟意揾我，因为根据过往纪录，我啲脚头都几好，好多时头尾位客串，收视又唔差，不过好多时都系做返自己，今次系想我形象上完全唔同，要认真处理，我当中都问咗好耐虾头点样去演绎呢个角色。”
麦玲玲今次真的是认真拍剧，除了出动过千万的珠宝、手袋、名表等，更要被捆绑兼露膊！“最初睇到剧本要拍露膊绑架戏，其实最初唔知有露膊，我最关注系点解要咁做，𠮶阵家豪哥（总监制刘家豪）同我讲我系一个香港女首富，叫我想像一下香港女首富形象，我自己就由几个唔同嘅image去参考例如超琼、向太、四太、股票市场嘅朱太等，我都有谂，呢几个有咩特色，可唔可以将佢哋比较鲜明嘅形象抽取出嚟，等自己可以做得好少少，𠮶阵未谂过绑架同露膊有困难。”麦玲玲说。
今次玲玲师傅出动劲多私伙，更有价值千万的钻戒：
除了用力揣摩角色，麦玲玲在拍摄上都有牺牲，除了要被捆绑，原来当初接剧本时并不知道要露膊，她说：“拍绑架戏𠮶时，喺车度挣扎，手脚都用索带绑住，所以系辛苦，真系痛，拍到咁上下要解一解，到真系拍完有啲红仔印但唔系好严重。因为喺车度要有啲打斗，系辛苦嘅。露膊戏我之前系唔知嘅，后来去到先知，我睇剧本知要做Spa，但冇谂过露膊头，拍嘅时又觉得唔系好大件事，助手又成日帮我睇有冇走光会唔会冻亲，反而我觉得呢场戏辛苦系龙虎武师要搬走我，因为我都有咁上下份量。”
同场加映：盘点十位新一代性感女神 凭ViuTV成功弹出的素人最为惊艳