日日妈妈声︱郑嘉颖系老婆陈凯琳忠实粉丝　唔只睇节目仲会畀意见

陈凯琳（Grace）主持新节目《日日妈妈声》有声有色，节目更获得不少好评。最近有网民表示希望她的老公郑嘉颖上节目做嘉宾，参加“老公体验做妈妈”的环节。今日（30/4）陈凯琳录影新一集《日日妈妈声》时，接受《香港01》访问，就回答：“我都系做多几集先。”

她续说：“我见头一集有淋水，我又唔想咁玩佢，同埋我哋个共识就系我开工时候佢要照顾小朋友，所以我哋两个一齐开工就冇人照顾小朋友。”带埋小朋友上节目？她说：“我哋节目又未进化到小朋友都上嚟。”如果郑嘉颖代陈凯琳做主持？她回答：“但系呢个系妈妈节目，要妈妈做主持，我问咗安安姐（余安安）先，如果佢OK我都可以考虑下嘅。”会否考虑找弟弟上节目？她就笑说弟弟还未做爸爸，所以没有资格做嘉宾。

陈凯琳也表示，原来老公郑嘉颖会收睇她的节目之余，还会给予意见，她说：“佢话你投入问嘉宾问题，要注意对件事有冇营养价值，做主持个角色系有弹性，其实可以多啲留心观察，听别人讲啲咩，而唔好挂住下一条问题要问啲咩，譬如问到一条问题好中嘅，就可以讲到好多内容出嚟。”看来郑嘉颖真的很留心老婆的表现，果然是忠实粉丝。