冯盈盈表明节目提姜涛绝无“抽水”意图︰有咩合作我哋都好欢迎

无线于周四（15日）举行myTV SUPER 5周年记者会，艺人冯盈盈出席介绍节目。谈到早前《开心大综艺》的游戏环节中，她将生鸡蛋敲在额头，弄得非常狼狈，她表示：“其实当刻都有啲狼狈，因为成头都系蛋浆，返去冲完凉都有𠮶种生鸡蛋嘅味道𠻹，仲要好好记住人哋教我个贴士系唔好用热水洗头，唔系就变咗蛋花汤喺个头顶度，熟咗！”不过她觉得最紧要大家玩得尽兴和观众看得尽兴。

感情方面，盈盈早前在节目讲到想认识她的朋友，大多数是较成熟的男士。她接受《香港01》访问时表示做艺人生活忙碌，难有社交生活，“同埋大家都话我出嚟个感觉或者打扮略为成熟，但其实我只系26岁㗎咋。因为又忙啦，同埋可能大家感觉我出咗嚟做嘢好几年啦，所以比较难同到啲同年嘅朋友联络呀，或者出去有啲咩活动咁样。”虽然她觉得识朋友是随缘，没有分年龄，但她偏好年纪大她一点点的男士，因为她自言有时想法似小朋友，年纪大她一点的男士就可以弥补她这方面的不足。

早前在TVB综艺节目的宣传记者会上，爆出“姜蓉事件”引发连串公关事件，冯盈盈出po表明自己也是“镜粉”以回应事件，而后来她在主持的节目《#后生仔倾吓偈》时，向上节目的嘉宾曾志伟表示想拍恋爱真人骚，而她心目中的男嘉宾人选有林德信和姜涛，继续被粉丝指责为“抽水”，对此，盈盈指自己绝对没有“抽水”的意图，“同埋其实我哋一个平台，好开放，大家都喺呢个行业度嘅话，有啲咩合作或者来往嘅机会，其实我哋都好欢迎同埋好开放嘅，所以都冇话特别要避忌任何嘢，所以如果之后真系有机会，又合适嘅话，我都唔抗拒嘅。”

早前ERROR成员193（郭嘉骏）出席活动时，爆出一句：“J2系咩嚟㗎？40几岁仲做《#后生仔倾吓偈》𠮶个？”有网民猜测是指《#后生仔倾吓偈》主持陆浩明（6号），事关他今个月将会踏入42岁。盈盈作为6号的拍档，被问到有关的报道，她说：“首先我冇办法代表193，到底佢讲嘅系边个，呢个我谂要问返佢会比较好啲，但系都见到网民有意见话我哋《#后生仔倾吓偈》里面有主持年龄去到40岁，咁其实我都想多谢返佢哋有睇我哋节目，其实我每一集一嚟个opening tag同埋例牌嘅对白，已经笑6号其实都已经40岁啦。”

盈盈又说：“因为我哋成个《#后生仔倾吓偈》如果你唔计6号嘅话，我哋啲KOLs、主持嘅平均年龄系24岁嘅，最细系20，最大都系26，𠮶个就系我喇！就算加埋6号，将我哋嘅average都系拉高到去26岁啫，咁仍然仲喺12至29岁青年嘅定义入面嚟，所以名副其实都系一个后生仔做嘅节目嚟嘅！”虽然他们常常会开玩笑指6号40岁，但她非常感激6号对节目的付出，有他这个“金牌司仪”为他们打圆场。她又笑言若非有这则新闻，她身边的朋友也不知道6号原来已经40岁，大赞对方keep得好好！

点击下图看更多盈盈的靓相︰