【开心大综艺】森美期待电视台良性竞争：对观众、演员都系好事
撰文： 邱爱霖
出版：更新：
《开心大综艺》昨晚首播，不过在早上副总经理曾志伟的一番言论，表示ViuTV只得4点，是J2的收视，在网络上掀起热讨，而《开心大综艺》首集，正正对坎ViuTV《最后一届口罩小姐》，问到森美会否觉得收视上可轻松取胜，森美反而觉得百花齐放最重要，他说：“我哋做节目主持，其实只想俾个好节目观众，我觉得电视观众嘅流失喺过去几年都大，因为你睇返总数，观众嘅层面系少咗，因为社交媒体，外国嘅线上频道，观众有好多选择，因为而家香港，应该系一齐努力，去令到更加多香港人睇返香港人制作嘅电视，我觉得呢个系好良性嘅竞争，我希望大家都开返电视.....我衷心觉得边一个电视台唔紧要，大家一齐出返客厅睇电视，有返家的感觉。”
除了《开心大综艺》外，森美还主持周六的《声梦传奇》，而当晚他在社交网络上载了一张收看《声梦传奇》的照片，但就被不少网友留言攻击，不过森美表示不会介意，他说:
“唔会介意，每一个观众有自己嘅睇法同谂法，一定要尊重同听取佢哋嘅意见，因为呢个系属于佢哋嘅谂法，我哋做主持或者演员，其实最开心就系百花齐放，唔同台有唔同嘅优点，我哋做艺人嘅选择就会多啲，我希望我哋电视又好，娱乐圈又好，去返以前咁蓬勃，大家有得斗，对观众、演员嚟讲都系一件好事。”