口罩小姐｜黄德斌澄清与旧爱偷食传闻：清者自清，我唔需要避忌！

黄德斌周日晚（11/4）为ViuTV《最后一届口罩小姐总决赛》担任评判，不过传媒的焦点却不是他对口罩小姐的评审标准，或者他的心头好，而是近日发生的“密会中女清水湾放狗”事件。他日前被拍得与旧爱一起在清水湾放狗散步，更惹出“偷食”疑云，而今日他接受《香港01》访问就解释了其中的误会。

黄德斌：“冇咩特别，因为太太知道佢系我经理人，佢知我成日都喺𠮶边跑步，𠮶日横掂都要做运动，佢就拖埋只狗出嚟，因为都有工作上面嘅倾，又唔知揾咩地方，咪一路行一路倾。”

对于报道出街后，被网民指摘他“偷食”，他就感到有些无奈：“冇㗎啦，冇办法，但系清者自清，你要咁讲我都冇办法。”又说想不到大家会这么关注：“估唔到去到今时今日，大家都会留意呢啲新闻。”以后与经理人倾公事会避嫌？他回答：“我谂冇乜嘢唔需要避忌，避忌即系有嘢啦。（行得正企得正？）系啦，如果唔系都唔会喺咁开扬嘅地方（散步），佢哋要咁做都冇办法，但系尽量唔好吓到（我太太）。你问我点，我梗系唔高兴啦。”