开心大综艺｜王祖蓝扮蓝太 认热话一定敏感︰既然返嚟有啲新改革
无线新节目《开心大综艺》今晚（11日）8点半首播并现场直播，节目开始不久就来一个“疫情记者会”，由几位艺人扮嘢。阮兆祥扮张竹笙医生（影射张竹君医生）、陆永扮圆教授（影射袁国勇教授），之后更有王祖蓝扮蓝太（影射行政长官林郑月娥）。期间林盛斌（阿Bob）冲出来大叫︰“又抽水！食屎啊！”似乎想影射前无线新闻直播时有人在记者后面大叫一事。
王祖蓝的名衔是“Cheap Creative Officer 无线特别堆填区行政长官”，他出场时，出现小意外，一只高跟鞋松脱掉下，但未知是否节目效果。而王祖蓝讲话时，讲到欢迎郭亮（Eric Kwok）和罗敏庄从“友台”（ViuTV）回归。后来更“表示非常欢迎佢”，荧幕随即显示姜涛的图片，之后阿Bob就跑出来大叫︰“你又抽水！食屎啊！”自嘲早前记者会发生的扮姜涛事件。
之后王祖蓝讲到︰“我留意到部分境外传媒对我嘅言论作出抹黑同故意扭曲”，他亦不忘自嘲︰“我哋唔会迷失多一个十年，因为我哋有《寻人记》，去寻找初心。我哋坚决否定山头文化，因为我哋有《诸朋好友》。我哋唔会日日做菜，因为有《日日妈妈声》。我哋唔会自娱自乐，只会与众同乐，我哋有《开心大综艺》。”然后众人唱出张智霖经典金曲《祝君好》，分别表示向张竹君医生和袁国勇教授致敬，在抗疫期间的付出。
王祖蓝：希望节目紧贴时事
有关扮蓝太一事，王祖蓝接受《香港01》访问时表示︰“我哋希望节目紧贴返少少时事，同市民嘅脉搏可以同步一啲，过往都比较少做呢啲，希望今次大家明白，我哋比较开放嘅态度，又可以嬉笑怒骂一啲。（对批评持开放态度？）希望市民评价，我哋嘅态度系开放嘅，但系希望观众都话畀我哋听，仲想睇啲咩啊，睇吓我哋又做唔做到。”
被问到怕不怕话题敏感，他笑言︰“其实好多话题都敏感㗎而家，因为网络嘅舆论就比较厉害，社交媒体，但系我觉得都系将大家嘅热话讲，既然系热话就一定会敏感，但系我觉得都值得去尝试一下，既然返到嚟，有啲新嘅改革咁。”至于会否担心节目引起争议，他则表示︰“有某啲时候有争议都系一件好事嚟嘅，都可以有啲理性嘅讨论嘅。”