调教你MIRROR｜姜涛出面劝退私生饭变磨心　AK：系12人嘅集体行动

MIRROR 12子周二（6日）齐人出席《ViuTV5周年：继续向前》台庆，并带来新歌《WARRIOR》的演出，气势十足，更获是日嘉宾杜琪峰大赞：“比我想像中好，我好少去演唱会，但又觉得（佢哋）几OK！”Lokman（杨乐文）指是很大的鼓舞：“打咗个冷震！”Tiger（邱傲然）又表示这是第一次见到杜Sir真人：“好钟意睇佢嘅戏，到而家新年仲会睇《呖咕呖咕新年财》，所以佢轻轻赞我哋已经会记一世。”

ViuTV五周年︱杜琪峰公然𢯎捞　大导演唔识MIRROR：比我想像中好

谈及近日拍摄《调教你MIRROR》时受私生饭滋扰一事，队长Lokman坦承：“会有少少影响拍摄，都会担心佢哋嘅安全。”他又表示今次拍《调教你MIRROR》为真人骚，与以往的拍摄会有不同：“真人骚需要投放好多自己嘅感受、真实嘅情绪，有阵时都需要空间，所以都希望有公开活动先见面，希望今次畀番少少空间我哋拍摄更好嘅节目，所以就同粉丝沟通。”

姜涛亦澄清彼此之间的一些误解：“有粉丝误会我哋攞佢哋嚟做节目效果，呢个系需要澄清，我哋唔会拎自己嘅粉丝嚟开玩笑，当时亦都有同团队商量过点样去面对呢个突发状况，所以我哋都主动企出嚟同Fans讲，希望喺工作嘅情况下唔希望大家阻碍到我哋工作。”他又提到当时语气较平时严厉：“可能自己当时嘅语气重咗少少，都希望同粉丝讲声唔好意思，始终当时太突发，我亦相信每一个粉丝都系懂事嘅。”

至于会否觉得被推举面对问题而成为磨心，姜涛就连忙指不会，Lokman与Anson Kong（江𤒹生）亦想当有义气指二人当时亦有份发话，AK说： “呢个系我哋12人嘅集体行动，唔系姜涛单方面意愿，如果要12个都要一齐俾人闹，呢个系我哋12个嘅责任。”

姜涛早前更透露有逾规越矩的粉丝严重到会敲家门，Lokman回应道：“公道啲讲句，我自己觉得敲门系有少少过火，始终都系私人地方，无啦啦有陌生人敲你屋企门都会觉得困扰；所以都希望大家明白，有时好想知道我哋嘅生活，我觉得都要有尊重、畀番少少空间大家。佢（姜涛）唔开心又表现得唔好，咁你哋都会唔开心。”