大步走｜童星杨凯博曾因怕丑拒向同学认有上电视︰我话系孪生兄弟

在无线剧集《大步走》中饰演黎舜梵（张达伦饰）和Jacqueline（文凯玲饰）之子的杨凯博，演出引起观众的留意，连刘颖旋（Tiffany）都在IG出Po大赞︰“小笙，你真系好man，好可爱啊” 。而其实凯博分分钟是Tiffany的前辈，因为他只有4岁的时候，已拍过保险公司广告，令他红遍网络，一句“乜嘢叫保险啊？”成为经典金句，加上他表情丰富又得戚，被网民改图，成为“万能Key图”。凯博年纪轻轻就成为网络红人，加上拍过不少剧，例如《城寨英雄》、《天命》、《特技人》和《降魔的2.0》等，他透过妈妈回复《香港01》时大爆小时候曾因害羞，而不向同学仔承认电视中的是他，非常搞笑。

点击下图看《大步走》的剧照︰

拍广告时只得4岁，现在凯博已经15岁，正在读中三。他热爱武术，师承香港著名武术运动员李晖，曾在2014年和2015年的武术比赛中分别夺得全能冠军及亚军。讲起当年一幕成为“万能Key图”被疯传，凯博当时其实他跟家人也不知道Cap图被改图，是后来才知道，不过当时他年纪尚小，未有太大感觉，“记得𠮶阵时妈咪系好轻描淡写咁同我讲，话我幅相俾人改图，或者当时我仲细，未明。妈咪亦都只系轻轻俾过一两张改咗图嘅相我睇，所以我当时真系冇咩特别嘅感觉，亦唔会特别觉得俾人恶搞。”被问到会否觉得被改图好搞笑，他表示︰“都会㗎。同埋估唔到一句说话‘乜嘢系保险呀’，同一张相，可以到依（而）家都有人知有人用，都几好呀。”

做童星同时要兼顾学业和拍剧，凯博直言小时候都会有疑问，为什么放假不可以跟朋友去玩，为什么除了上学就是拍摄，然后又要做功课，“不过呢啲谂法都系好快闪过，冇令我唔开心，因为初初参与《放学ICU》拍摄（做小主持）系好开心嘅，每次内容唔同，担当角色唔同，好新鲜好好玩。当时所有人对我都好好，又教我，好开心。跟住入咗剧组开始拍剧，每个角色都唔同，每次都系一个挑战！都系果句，所有人真系对我好好，无私教我，令我知道其实唔一样嘅童年得著唔同，我好珍惜。”

做童星会否特别受同学欢迎？凯博笑言︰“佢哋都惯哂啦，哈哈。”小朋友总会觉得好像有明星同学一样，他说︰“有呀，以前有㗎，依家唔会啦，佢哋真系惯咗。反而隔离啲学校嘅学生知道咗我读边间会有人等我返学/放学，lunch去食饭喺街有人见到会揾我影相。”他又大爆曾试过不认电视上的是自己，“我记得细个初时同学佢哋话喺电视见到我，问𠮶个系唔系我，我仲唔承认电视入面𠮶个系我自己，我话𠮶个系我孪生兄弟，因为我尴尬我怕丑，真系好好笑。”

不少童星长大后都会继续在演艺行业发展，而凯博也希望将来可以做演员，但他已深明未必所有事都可以如想像中一样发展，假若做不到演员，他也希望在幕后发展。最后，问到他最想跟哪位演员合作，他回复道︰“张家辉！（哈哈，系咪好大谂头！）细过睇过佢嘅访问，原来真实嘅佢系一个好内向，甚至乎唔钟意讲嘢嘅人。但一开机，佢可以做到好搞笑，佢可以跳出自己框框做啲完全唔符合佢自己嘅嘢，呢样令我好佩服，好想学习！我相信好多其他演员都会系咁，但佢𠮶段访问，俾我好多启发，我梦想可以同佢合作，系真系好想𠮶只，好想向佢学习。因为我本身自己亦都系一个唔识表达自己嘅人，拍嘢方面跳唔出自己框框，扮唔到cutie，扮唔到可爱。”原来凯博是一个好有想法的人呢！

同场加映︰细数近30年港姐冠军的下一代　杨婉仪囡囡同佢饼印一样！