吴若希孕后发福首亮相　懒理腰痛照穿高跟鞋

撰文： 郭敏玲
出版：更新：
吴若希怀孕5个月，开始有啲孕味。（符祥定摄）

11月宣布怀孕四个月的吴若希（Jinny），今日在怀孕后首度公开出席蛋糕品牌活动。吴若希虽然身穿红色松身衫，但脸形及胸口都有所升级，渐见孕味。不过吴若希著住3吋高跟鞋，懒理腰酸背痛，简直爱靓唔爱命！

Jinny今次蒲头，原来履行返怀孕前所答应出席活动承诺，她预告圣诞节会再次出动，之后都会出席机构活动。陀住个B，吴若希话自己日常有啲无聊，“基本上乜嘢都唔洗做，都会有人煮嘢食，所以而家发福，我嘅24吋腰无咗啦。”她更讲到有咗BB记性比以前差：“去到边度都总会漏低嘢，好似好蠢咁。”

问到BB想系边度出世，吴若希就话未有计划，仲话怕3年抱两，“屋企而家有好多小朋友，Alex（男友）啦、我细佬仲有肚入面个BB，一个人已经要凑3个，都搞唔掂啦。（介唔介意做未婚妈妈？）都唔会有压力嘅，新一代嘅女性都好独立，我自己都系工作型女性，之后落嚟都会努力做个歌手妈妈。”Jinny表示生完BB先会结婚，问到BB系意外定计划，佢就答得好玄：“我就迷信嘅，命理上我婚姻就比较唔正常，唔正常都有好多种行法㗎嘛，我都系顺应个天啦。”

陀B五个月的吴若希，面部明显发福，但仍然爱靓唔爱命，虽然腰病也照穿3吋高跟鞋。（符祥定摄）
吴若希话而家见到Alex妈妈，觉得要叫佢做奶奶有点尴尬，可能结咗婚之后就好一点。