张新悦住中西区2000呎豪宅极低调：一家六口计埋都唔系好多

张新悦（Nicola）周四（25日）出席全城有机日记者会，现年44岁的她已是4女之母，但无论外貌还是身材都保持得不错，Nicola道出养生秘诀：“其实我都食有机食物十几年，做妈妈就更着紧饮食；另外每星期我都打跆拳道、做瑜珈、小朋友踩单车我又跟住跑，反而冇好刻意做运动。”在疫情肆虐的情况下，Nicola亦减少外出，一家六口的她道出苦衷：“一出已经破咗限聚令， 又唔可以净系带呢一、两个出街。”

至于Nicola不时贴出在家拍摄的照片，被指家住中西区2000呎大屋，白色装潢走简约风被大赞有品味，Nicola低调指：“完全系租嘅地方，好简单好朴素嘅装修，千祈唔好误会，冇用啲钱落呢度；不过就有用盆栽、色调嚟配衬自己嘅喜好。（月租好贵？）唔知呀，我冇实质咁计，我毕竟有六个人喺屋企，计埋都唔系好多啫。”

点击图辑睇张新悦大宅装潢：

张新悦近日与男子组合FreshLife合作《简简单单原来很快乐》，这也是她阔别娱乐圈20年后再度重操故业，问起会否想再次拍剧，Nicola就说：“如果有意义嘅都会尝试，但冇人揾我，暂时未知。而家呢个岁数又唔系青春少艾，又未接受到去演一个妈妈；始终以前都系一个女主角、又情情塔塔，而家喂森美食士多啤梨都觉得奇怪，毕竟十几年嚟第一次同第二个男人，我又抽身离开拍嘢好耐，𠮶刻唔系好识点样处理，净系喺度傻笑。”