陆浩明孖女友一齐做带货直播　惊失宠要靠肥妈开拓新市场?

撰文： 邝钰莹
出版：更新：
上月陆浩明与女友陈诗欣（Ayan）齐齐现身肥妈直播。（影片截图）

曾志伟回巢无线后，曾有传由余咏珊推荐入台嘅“余党”黄翠如、洪永城、陈贝儿、陆浩明、卫志豪、区永权前景十分危险。身为陆浩明契妈嘅肥妈（Maria Cordero）早前开口大赞契仔有才华，并唔需要担心无工作。

上星期又嚟，今次目标好明确，就系要带货直播。(影片截图)

爱“子”深切嘅肥妈，其实每个星期六晚都会喺FB开live做煮𩠌，向来都独担大旗嘅佢，上月揾嚟陆浩明及其女朋友陈诗欣（Ayan）出镜，不过，同喺《食平D》节目入面一样，陆浩明主力行行企企同吹水，虽然对直播嘅作用不大，但肥妈喺刚过去嘅星期六，又再揾嚟陆浩明，二人继续入镜围观直播，期间唔多出声嘅Ayan突然持出一盒日本蚕丝蛋白啫喱，并讲解其减肥作用，虽然肥妈表示唔需要减肥，但为照顾呢位“新抱仔”，都继续帮Ayan带货直播，甚至预留30分钟，同“新抱仔”一齐坐低卖货，认真唔话得。

Ayan似乎劲怕羞，直播时又唔多出声，次次都要肥妈CUE。（影片截图）
连折扣码都准备埋。(影片截图)

点击睇陆浩明的幸福生活：

+20