东亚锦标赛︱郭思与“波台黐线佬”合作　组应援团远征韩国撑港足

今个暑假郭思（Suey）带团杀去韩国睇波！事关“2025年东亚足球锦标赛”七月于南韩举行，香港队将硬撼南韩队，这位女球迷对睇波、踢波上晒瘾，今次更搞埋“0 e:ffect x hkchisinlo 东亚杯 2025 香港队应援团”，准备带班香港球迷远征韩国！

提到今次举办旅行的契机，Suey立即双眼发光，“六月十号香港对印度‘亚洲杯外围赛’𠮶场赛事，坐爆咗启德场馆，真系好震撼！咁多香港人为香港队打气，𠮶种感觉好难忘。我都想试下去作客打气系咩感觉！”她又自爆原来今次成团，是“偷桥”偷返来，“公司有个‘蛋记星级旅行团’，我就谂不如将去韩国睇波呢个idea联系落去，点知真系搞得成！”她更找来本地足球平台“波台黐线佬”合作，“因为知道佢哋喺香港有搞好多推动香港足球文化活动、gather球迷，亦都有做作客去睇波嘅活动，所以我就问佢哋一啲意见，最后同公司一齐倾，就撮合咗呢件事情。”

今次行程重点当然是入场撑港队，Suey话会跟大队一齐打气，“第一次作客睇波，都系入乡随俗啦。”除了睇波，她都坦承有私心，乘机shopping一番，“如果行程有时间嘅就会去放松吓，因为好耐都冇好好地咁样去一个旅行。同埋因为上一次去韩国旅行，唔记得咗去行街，净系挂住食嘢！哈哈！所以今次希望多啲时间去行吓街、买吓嘢。”