丁子朗急起直追想30岁前有代表作：大中华都知道有个演员叫丁子朗
艺人丁子朗日前（22日）于观塘一商场的活动场地举行生日会，他笑指今次是入行后第一次正式举办生日会，丁子朗接受《香港01》访问时表示自己之前会避开生日：“因为我之前都尽量模糊咗呢个日子，避开佢！因为我好怕畀大家知道我几多岁。”
丁子朗生日会当日更邀请到好友文佐匡及余宗遥惊喜现身一起庆祝，但余宗遥因为有工作在身，所以只现身一会便离开。除了到场的二人外，好友冼靖峰亦有线上与丁子朗一同庆祝生日。
丁子朗被问到为何要避开生日时，他就觉得自己年纪开始长大，所以不想让人知道自己年龄：“咁今年系18岁嘅十周年，咁我就希望可以永远keep住18岁。”而旁边的文佐匡虽然未到28岁，但想想后却突然惊叫“Oh no”：“差唔多啦都！”
丁子朗在生日会中献唱《初恋》，而文佐匡亦有一起唱，过后文佐匡都表示回忆都回来了：“突然之间系Rush晒返嚟脑海入面，即系唱《初恋》𠮶阵时，你又可以玩啦又跟住去跳。”而丁子朗都觉得回忆都归来了：“因为我望住你唱嘅时候，𠮶一刻我真系谂起我哋当时喺个排练室𠮶度，我哋仲喺顶楼个十五楼个排练室，喺江边𠮶度跳。跟住个画面真系返返嚟，不得了！我就觉得呢个真系好嘅回忆，都系因为咁嘅回忆，令到我识咗咁多兄弟。”对于文佐匡现身生日会，丁子朗表示是一个惊喜，因为他自己都不知道文佐匡会出现：“佢系一个Big Surprise嚟嘅我想讲！”
在生日会上丁子朗又唱又跳，被问到是否想继续当唱跳歌手时，他表示自己是一个很喜欢唱的演员：“咁我本业都系演员都系拍戏为主，咁嚟紧都有好多唔同嘅作品，今年会陆陆续续同大家见面啦！啱啱都见到我到新剧啦，《搏忆》嘅宣传片预告片都出咗啦，所以希望大家会期待下啦。”
丁子朗被问到生日有什么愿望时，他笑指说出来会不灵验，但文佐匡就提醒他没关系，三个愿主中有二个能说出来，最后一个则不要说就可以。丁子朗即笑指：“就系我希望系三十岁之前有一个代表作，畀更加多嘅人认识我，甚至大中华嘅人会知道，有个演员叫丁子朗拍咗一套咁嘅戏！咁呢几年我都不断咁努力工作紧，不断咁拍唔同嘅剧唔同嘅作品，希望有一日真系啲人会记得，啊呢个香港嘅丁子朗见过我。呢个系我嘅目标嚟，虽然三十岁同而家嘅距离好短，但系都要急赶直追。”
访问当日其实未到丁子朗的正日生日，他被问到生日会怎庆祝时，他表示生日当天在工作中渡过：“好短暂旅游节目，咁就叫做寄工作于娱乐，去玩一玩咁样啰，但系生日正日𠮶日就去啦，所以我应该会喺somewhere唔知边度庆祝生日。”但生日会的情况，他就一早已经传给爸爸妈妈看，连爸爸妈妈都表示想来一起庆祝。
文佐匡被问到之后有什么工作计划时，他表示想请大家期待一下，因为公布时机还未成熟，他指今年之内会有演出的机会。