中年好声音3｜张与辰性向成疑 终极回应：唔好将呢样嘢摆出嚟
撰文： 林迅景
出版：更新：
《中年好声音3》亚军张与辰早前被爆性向成疑，更有指同性密友为他身边的K先生。事后他接受TVB访问时指K先生为多年合作伙伴，而且最近已返回马来西亚。昨日（22/6）张与辰出席《中年好声音3》演唱会，他接受《香港01》时表示期望：“呢次8,000人嘅演唱会，系属于我哋成team人嘅演唱会。我好期待呢一日，做到属于自己嘅演唱会。”
他透露，之后会推出一首全新的个人歌曲：“首歌系讲关于感情上嘅嘢，系自己对于感情上睇法嘅故事，首歌系韩式feel。首歌系讲，我对于追求感情呢样嘢系唔主动，好多时系睇住自己钟意嘅人拍拖，结婚咁样，因为唔敢去踏出第一步就错过，只可以默默地祝福对方，到而家都系好好朋友。”
早前传出张与辰有同性密友的新闻，他也回应：“同性密友，我有好多㗎，哈哈，兄弟就系兄弟，朋友就系朋友，点讲呢，男性朋友就系咁，就唔系感情𠮶啲，唔系男女朋友，而系兄弟朋友。（大家对你钟意男定女好奇。）我希望大家唔好将呢样嘢摆出嚟，我今日钟意男钟意女系自己嘅事，我反而希望大家关注落我音乐度，接下来要做嘅嘢。哎呀，咁关注我钟意男女，不如关注吓社会啦，社会好需要爱呀！”