“最美经理人”林寳玉唔介意薛影仪发文“追杀”：当佢想念我

林寳玉今日（18/6）现身湾仔出席轩尼诗关爱队艺人演艺工作坊，寳玉接受《香港01》访问时表示：“今次出席呢个活动，系同大家分享做艺员嘅经历同生涯，不过令我最深刻嘅经历，一定要数系由艺员转做经理人嘅转变。始终凑住艺人要兼顾好多嘢，例如对方嘅个人操守形象等等，其实做经理人系唔易做。”

对于前艺员薛影仪经常闹事闯祸，寳玉承认过程令自己成长了不少：“始终你控制唔到别人讲嘢，变咗你就要控制自己个EQ，变咗系EQ呢方面我系提升咗唔少。（阿仪不少时出Po追击你！）可能佢真系好挂住我，我会当佢想念我。（会唔会开解佢？）其实佢生日我都有传短讯俾佢，有讲句生日快乐，但佢就好似冇覆我，不过无所谓，讯息时有覆时冇覆嘅时候。（想唔想拉好大家关系？）平常心，始终多一个朋友好过多一个敌人。”