罗天宇传被陈母催婚　陈懿德亲口回应：佢主要系同我妈咪倾嘅

陈懿德（德德）今日（16/6）现身将军澳电视城出席《大师兄Welcome Summer大激战》记者会。对于早前她被踢爆素颜与罗天宇带著妈咪同台食饭。言谈间，有指陈母不时催促二人尽快拉埋天窗，获不少网民送上祝福。

德德接受《香港01》访问时表示：“其实𠮶日嘅大计，佢主要系同我妈咪倾嘅，但我就冇乜点特别倾，因为我𠮶排都做紧MC嘅工作，变咗我系咁喺度背稿。同埋我好想讲哋好多人都好关注我个样点解会咁愁，原先我谂住唔化妆，啲人一定会唔认得我，就谂住乔装，点知都系俾人认得出。（咁你落咗妆罗天宇认唔认得你先？）咁佢紧系认得我啦，我哋同台食饭。（咁即系代表你上妆落妆分别唔大 ）真系嘅？多谢。（天宇同妈咪好啱倾？）佢哋系好啱倾，有好多共同话题，因为佢哋两个都系打Golf，变咗佢哋都一齐去打。（关系好密切？）都系㗎，佢哋系好好朋友，比我更加好嘅朋友。（佢系女婿！）𠮶啲讲啫！（而家未系住啫！）一日唔系，都系未系。（系啰，行咗礼就系！）哈哈，唔系都系系，未系嘅标准任你讲。”