《中年3》张与辰被爆有同性密友　消失多日终蒲头：好ok唔使担心

来自大马的创作歌手兼音乐制作人张与辰在TVB真人骚《中年好声音3》中夺得亚军，人气高企，更有不少商演邀约及获广告商青睐，吸金力大增，本月底更将会带团到中山旅行。曾公开表示单身多年的张与辰，感情生活一直备受关注，早前爆出他身边有位年约40岁的同性密友Kelvin，两人经常形影不离，关系匪浅。今日（14日）张与辰终于上水，他在IG晒出近照，并疑似回应近日的传闻！

张与辰写道：“最近生活好充实，依（而）家要去拍嘢啦！！多谢大家关心我最近的状态，我好ok唔洗（使）担心。呢几日消失左（咗）全因为搞紧搬屋，搬屋真系一个好大的学问，家私+电器+清洁+水电煤过户+wifi etc….d准备功夫仲多过我唱决赛。”

张与辰自参加《中年好声音3》后，一举一动都备受关注，早前他被爆租住北角“凶宅”旧楼，其后他接受访问时就回应：“𠮶度租系平，对于外国人嚟讲位置好方便，食嘢买嘢好方便。至于话我住𠮶栋系凶宅旧楼，除咗一手楼，讲真边度冇死过人，佢唔嚟搞我咪得啰。同埋呢个地方都系旺我，成个过程好顺利，咁快又上埋红馆，之前谂住搬，而家谂吓谂吓都系唔搬，哈哈。（面积几大？）得2至3百呎左右。（够唔够空间？）一个人住系足够。（而家有名气会唔会屈就自己？）咁我又唔会咁觉嘅，因为自己觉得住得舒服就可以，不过我系有揾紧新嘅地方。（租金$6000？）冇咁平，大约8至9千蚊，但自己都有尝试揾新嘅地方，想要多啲空间，setup一个自己嘅工作室。”