杨千嬅透露呢个日子红馆开骚　对场地有情意结：已经随时ready

早前传出杨千嬅成功申请红馆演唱会一事，今日（14/6）她出席领贤慈善基金晚会时接受传媒访问，提及她最近的个人生活和家庭生活，被问到红馆开骚一事，她就松口宣布好消息。

访问中提及冯允谦的演出，作为乐坛前辈的杨千嬅就对他有赞冇弹：“上次好可惜，红馆个show错过咗，做紧演唱会，因为佢嘅live系好超水准，同埋佢嘅创作好独特，你见到佢最吸引之处系真心好爱音乐，所以佢𠮶种好舒服，入晒血𠮶种唱法，觉得好精彩，佢不嬲都唱得好好。”她表示，希望有机会的话再次合作。

被问到入纸红馆演唱会，杨千嬅就回应大概申请了8，9次左右：“唔紧要嘅，我会等。因为红馆个情意结好大。因为小时候得到唔同演出经验之外，同埋都系我（作为）歌手嘅出生地，对我嚟讲个意义已经超越咗一个演出场地，其实佢系代表香港，一个好宏大嘅演出场地，所以俾我拣10次我都会等红馆。”会否考虑启德体育馆？她回答：“冇所谓㗎，试新嘢，但系你俾我返嚟香港，7年冇开show，我一定要开咗红馆先。”

她又透露，已一早计划好专为红馆而设的编排。“个rundown已经随时ready，因为我喺一年前已经谂好要做咩，但系因为冇地方，所以一路摆咗喺度。”记者问：“是否会一直入纸直至申请成功？”她就回答：“会㗎，我会申请到㗎啦，咁卖到飞我会通知大家！今年一定会发生㗎！”