光明大押｜何启华分享玩松娟姐秘诀　自嘲最适合演生意失败角色

ViuTV原创剧《光明大押》现正热播中，Will柯炜林饰演“坚叔”谢君豪的年轻版“25坚”，与童年版关俊、关聆对手戏最多，面对小朋友，靠“玩”打成一片。“Dee哥”何启华饰演的“小海”因为较后期入组，为怕影响进度、尽快融入，拍摄前特地到片场观摩兼问副导拎playback睇，做足功课落场开工，结果“导演又唔想咁”，虽然后来试啱了，但那种虚无飘渺的感觉确实考起Dee哥。做演员难免会有迷失时，幸有谢君豪这位监制在场，一句“你做啦！你唔啱导演咪再take。”

Dee与娟姐有不少对手戏，但Dee说当初入组与娟姐对戏时，发晚对方紧张到不得了。“如果唔一齐放松做会好大镬，我要同佢玩多啲、玩返佢个人松、畀多啲信心佢。最开心系佢都信任我，后来越做越有感觉，见到佢之后系享受紧做戏。”到底如何“玩松”娟姐？Dee先来一个deep talk，得知对方拍摄时处于混乱状态后，继而帮助对方建立信心。

Dee说之前无论拍剧或拍戏时，一直都很质疑自己，Will柯炜林听到后，即表示：“我后来去到一个地步后，系觉得自己做咩都啱。因为当你无信心时，你会谂好多嘢去说服自己‘约又签咗，咁你casting见过我，而家拍咗你唔会换走我挂’我有一晚真系咁谂。”这种“谂多咗”正正要靠“做咗先”去打破，而Dee在拍《三命》时，让他有了“做咗先”概念，继而成功建立“我真系系一位演员”的信念。Dee坦言跳舞向来不是最喜欢做的事情，当初会跳只是为了增强演员的竞争力。“我喺舞台剧做嚟做去都无成绩，做极都系树。”

访问中，Dee与柯炜林不时提到《光明大押》拍摄十分赶，柯炜林说有一场情绪戏被安排在收工前进行，因怕阻住大家收工而感到压力。“我好记得拍之前出去食烟，食到一半副导嚟拍拍我，示意可以埋位，我行入去𠮶阵，同导演讲有啲担心，佢话畀三个字我，结果系‘我信你’我心谂你唔好玩啦，我连自己都信唔过。好在对手系淑仪老师（陈淑仪），佢系舞台剧大前辈，佢坐喺度等我，唔催唔赶，我只要望实佢、听佢讲嘢，咁就可以。喺呢啲时刻会同自己讲，相信自己、相信晒成件事，听同睇，情绪就会嚟，可能连𠮶支烟都唔使。”

讲到阻人收工，Dee剧中其中一场有过百字的对白需要一气呵成，当中包含了不少物理学名。他就拍摄时，谢君豪只需发呆望著自己，但结果Dee突然发台瘟，拍了3 take完成，自觉未够好，挣扎后决定要求再拍多take 。对于要求拍多次或重拍，柯炜林十分有同感，他说：“ 因为成世，唔会阻大家收工而唔会讲，我试过无出声而耿耿于怀，咁我出完声导演可以决定唔嚟，同埋如果你真系想做好，大家都会明白。” 剧中“光明大押”面临被淘汰，现实中，Dee与Lokman、Alton经营的餐厅早前亦宣告结业，他笑言自己有以试经历，说不定下次演失业人士更得心应手，到底Dee如何被柯炜林连环抽击到失控？即时睇埋影片。

Wardrobe: Martine Rose, SIMONE ROCHA, New Bottega Veneta, FARFETCH（何启华）、 MARCCH, PEDROHK（柯炜林）

Make up: Cori Wong @Annie G. Chan Makeup Centre（何启华）、Tammy Au（柯炜林）

Hair: Harris Lai @CHIC PRIVATE i SALON（何启华）、Oscar Ngan（柯炜林）