女神配对计划｜身家过亿Andy哥晒柔软度　梁敏巧一原因不敢试爱

《女神配对计划》前晚（8日）播出的第一集《女神》，同样为心仪女神Step勇敢踏上舞台的无线艺人，还有曾参与《铁拳英雄》及《夺命提示》拍摄、入行超过十年的周嘉全！之前在《花生抢先看》预热节目中透露曾送画向Step表白的嘉全，展示了当年送给芷晴的素描画真身，并百分百真诚地示爱：“以前我遇到真心钟意嘅女仔，我都净系识得送幅画畀佢…就算送完畀佢，我都唔够胆承认自己钟意佢。希望以后唔止系画画，想将时间同心机所有嘢都送畀佢。”成功惹起全场女神哗然，Sophie及Carman更一度感动得眼泛泪光；“花生友”森美亦忍不住大大力赞叹嘉全的真心：“毛管戙呀，好温馨㖞”、“画得呢啲，肯定系爱得好深架喇！”

至于女主角李芷晴，则全程表现迷茫，她坦言从来没有想过周嘉全喜欢自己：“佢不嬲有画开画，而佢送畀我之前，有画咗幅男仔画畀阿Ben（袁伟豪）嘅。”周嘉全现场被问到为何送画一刻不马上向Step表白时，嘉全说：“我系喺地铁（港铁）站畀佢嘅，我畀完佢倾咗阵偈后，佢就话‘我准备揾男朋友喇’，我之后就冇谂其他嘢喇。”说毕还大派冧到震爱的宣言：“其实（你）拣唔拣我，我一直都会咁欣赏你，而且我会相信你选择幸福嘅能力。”Sophie闻言与Carman齐齐感动至眼红红，Sophie大嗌感动：“我觉得佢好真心、好长情、好温柔。”Step则全程心大心细、不知所措，挣扎了一大轮后，最终还是没有选择嘉全。事后Step哽咽：“我真系完全冇谂过佢对我系有意思，所以就会变咗好混乱…可能畀多几秒我我就会揿咗，依家都少少后悔。”

昨晚另一特别位，是其中一名候选猛男的年龄高达63岁，他是于2000年离过婚、坐拥过亿身家的Andy哥。虽然Andy哥年过60，但他不但keep得比真实年龄后生一大截，身手亦相当了得，除经Maggie认证有六嚿腹肌，还即场应众人要求示范高难度弯身掂地动作；加上为人霸气、有话直说，氹得Maggie相当开心。不过由于与Maggie年纪足足相差了33年、Maggie坦言Andy哥比其父母还要年长，故几经挣扎还是忍痛放弃选择Andy哥。Maggie：“呢啲就系霸道总裁，就系我钟意嘅嘢咯，但年纪真系struggle吖嘛。”