靓仔小生饮天光去试镜呕住入TVB　竟撞彩被珍姐选做主角改变一生

近日网台新节目《巴打围炉》中，有火火、李健宏（Kevin Boy，KB）、陈家乐及梁钊峰做主持，四人大讲男人经，火花十足。最新一集中，主持们倾到“改变自己一生的事”，陈家乐就表示：“改变我一生嘅事同埋一生嘅人系同一次发生。”

2018年，陈家乐拍无线剧《逆缘》，凭“爷爷”一角人气急升，戏中他是1940年代的人，有儿子姜大卫及孙仔黎耀祥，剧情讲到他遭受冰封，2018年才苏醒，因此其相貌比儿孙还更年轻。剧集出街后很多人都赞他的角色讨好，但他就自爆这套剧的Casting（试镜），是他去过最不堪的一次。

原来试镜前一晚是金像奖，当晚惠英红凭《幸运是我》封后，不过她在After Party很早便离场，令大家将灌酒对象转移到同一部戏的他身上，他自言酒量差，但当日气氛高涨，自己无论如何都要局住饮，不过其实第二朝8点钟，他要去电视城试镜，与王心慰监制（Amy姐）见面，而最后他被灌到清晨6点半。他重演当时情况：“我真系个人系咁样斜晒，我饮完酒，系咁样（斜晒）返屋企，冲个凉换件衫咁样行返出去，冇得唔去。”

陈家乐之后搭的士去电视城，全程拎住胶袋，他续说：“我第一次呕，喺的士度一路就拎住个胶袋，就咁样呕，就咁样呕……我呕到去TVB门口都仲呕紧！一落车呕多次，跟住又揾唔到垃圾桶㖞，就摆咗喺背囊。”众人听到这里都大呼：“哗！”、“唔系呀嘛？”原来因为找不到垃圾桶，家乐只得将装满呕吐物的胶袋打个结，继续收在背囊内。他指自己仍然斜晒坐唔直，但又要表现得精神奕奕、准备充足，他只得强逼自己瞪大眼睛，“我全程嘅状态就系呢个状态去见Amy姐，Amy姐不断同我讲个故事，我其实已经……我不断系呢个样，以为挨完，之后入厕所攞返（袋呕吐物）出嚟，跟住又呕，又绑返返背囊。（其他主持：同一袋？）同一袋！因为我冇ready多一个胶袋，跟住我再呕多次，出嚟之后Amy姐就话‘我而家带你去见珍姐（曾励珍）’。”

珍姐与王心慰并排而坐，陈家乐坐在二人对面，他直言非常辛苦，但又要强迫自己正襟危坐，他后来索性不理，直接扎马：“开始要扎马咁样坐，好似好古代咁样坐，跟住佢哋两个倾偈，珍姐仲讲咗一句说话，我到而家都好记得！佢一路都唔望我，珍姐唔望我，净系同Amy姐两个喺度倾偈，跟住佢突然间话‘你唔好以为我唔望你呀！我眼尾观察紧你，睇吓你系一个乜嘢嘅人。’跟住佢话‘好彩你都几肯听我讲嘢，同埋你坐得好端正。’”Amy姐也附和：“系呀，我觉得佢咁样坐好啱𠮶个角色，因为以前啲人真系咁样。”就这样误打误撞地，陈家乐在宿醉情况下被选中演出《逆缘》的爷爷，更成功入屋。

火火听完都问：“讲唔讲得㗎？人哋可能周围同人讲话我慧眼识英雄，你个人又正常又好入戏，点知原来饮醉酒！”不过KB就觉得，或者因为陈家乐在这个状态下比较放得开，相反如果冇饮酒去试镜，可能会太紧张影响表现。陈家乐就透露这是他首次披露《逆缘》Casting经过，并谓：“呢个系我最不堪嘅Casting，但系亦都因为中咗呢个casting，就改变咗我后面嘅所有，真系好幸运！我𠮶日真系醉到黐线，我觉得自己死硬！”

其实当年王心慰接受《01娱乐》访问时，被问为何会找陈家乐，她曾解释因为贪对方样子够正气：“好Fit做1945年啲游击队，个样好讲仁义道德𠮶只。（记者：但无线亲生仔都有呢类㖞！）本身角色安排已经好新鲜，再用埋外援成件事会再出啲、再抢啲。（记者：唔睇价钱咁请？）最紧要件事系正，我从来唔帮公司悭荷包！”