东张西望｜骗徒呃苦主130万　被揭发后直认不讳仲话自己梦游紧

TVB节目《东张西望》早前曾报道过多宗涉嫌假冒公职人员，声称拥有特殊渠道可以购买演唱会门票及平价电话而诈骗的事件。昨日（5日）播出一集讲到警方拘捕了一名57岁男子，涉嫌冒充警员，出售iPhone及演唱会门票后失联，骗取逾31万元。

但原来这名男子所骗取的并不止31万元，而是130万元。有苦主黄小姐报料，声称自己曾被该名男子诈骗，涉款高达130万元。黄小姐表示去年10月认识该名男子，对方自称食环署高层，并表示可以平价买到刘德华演唱会的门票、电话及金条等。黄小姐讲述自己受骗的经过表示向该名男子买了7张刘德华演唱会门票：“我就好信佢，畀咗3万几佢。成日都话佢系上面（内地），跟住又话有第二个渠道带金条落嚟，问你可唔可以帮我，其实我喺上面啲钱系唔可以用。”

黄小姐前后向他转帐了过百次：“借咗财务公司70万，40万系我家姐，10万系我自己，佢成日话你唔畀我，我就落唔到嚟。落唔到嚟就畀唔到你。我惊如果我唔畀钱佢，佢又唔会畀返啲嘢我。”后来节目播出后，黄小姐质问该名男子，该名男子直认不讳，承认自己就是骗徒，但亦向黄小姐表示“自己都唔知自己做紧啲乜”！

黄小姐指该名骗徒向她说：“佢话自己食得药多，所以自己好似梦游咁样去做咗一啲唔知自己做紧啲咩嘅嘢。”黄小姐表示下一步行动就是去报警。