MC张天赋最低潮要人过钱先可以揿到一百：会问自己为咩呢

由《造星》到“叱咤乐坛生力军男歌手金奖”紧接“叱咤乐坛男歌手铜奖”再加上3场红馆，出道4年，MC张天赋曾笑指如今财务自由度是“叫外卖唔使睇价钱”。但回望出道前的日子，穷得户口只有两位数，不要说外卖，当时住西贡的他，为了悭钱，由西贡市中心拖著一堆乐器行上位于“半山”的屋企也试过，问朋友借钱亦时有发生，狼狈为自己感到羞耻。访问中，MC多次自认是“衰仔”，如果人生可以重来，他入行做歌手的机率是三十分之一 。“我唔会多谢自己坚持 ，因为呢份坚持系人哋嘅支持砌出嚟。”

新歌《怀疑人生》MV其中一幕是MC在提款机前查询余额，荧幕显示有二千多元。“多咗架啦 ，最低潮连银行都唔需要去，要人过钱先可以揿到一百。《造星》𠮶时用晒所有时候参加比赛，我都唔知点挨过，有时拍到好夜，而第日要开早，我会直接瞓厂；如果真要返屋企，我搭到西贡市心，再行返上山，仲要拎住结他 ，痛苦！有时行行下都会问自己　‘为咩呢’其实都憨居。”因为青春、也因为快乐，所以继续戆居，靠做侍应、busking勉强维生活，但MC说如果人生重来30次，大概有25次他会选择乖乖地去读书，再找一份稳定的职业。

周围借钱感羞耻

MC曾在加拿大留学，他坦言家境不算太差，直到爸爸生病令家中失去经济支柱，回流香港后一心靠自己打工赚钱，穷极的时候，问朋友借钱也不愿向父母透露半句。“当初都问得颇多人借钱，经历唔好受。打好一大段嘢，犹豫send唔send，连揿个send掣都feel ashamed，‘如果佢唔借点算呢？’睇对方系咪在线上，点解仲未覆⋯⋯老实讲，我真系唔知自己点撑过来 ，好狼狈、亦为自己感到羞耻，当时我系有能力承担起啲嘢，但未有想法同责任心，未有智慧去知道要咁做，只系觉得舒服咪得啰。”

走佬都要有只表

由穷极到加入华纳，MC说他收到的第一、二期粮全用来还债。“到真系买嘢，系买咗只表畀自己，觉得男人点都应该有只表，同埋睇太多港产片，有咩事走佬拎只表都可以顶一排，我当时几岁，边有咁成熟！而家有继续买表，不过系当collection。”谈到入行的得与失，MC认为是换取，用“唔可以踢拖背心落街拮鱼蛋”来换取手表，如果要认真计算的话，“无得系咁食”是比较要他的命，除此之外，MC觉得“你返工都要付出时间同精力”，这一位打工仔，心态又几好。

提到父母，尤其是爸爸，MC特别内疚，是因为当时未有尽到做仔的责任、未有好好想办法如何令患癌父活得舒服一点，而手上一个接一个的纹身，亦是用来提醒自己，问到“MAKE IT POP”、“DISCIPLINE”实践了多少，MC细想了一会，表示仍有距离。“MC依然有好多嘢需要进步，好在佢身边有啲顶得顺佢嘅人，我都顶唔顺自己。”想知道MC点解会觉得自己是衰仔、当初如何狼狈不堪，睇埋影片。

Hair : Rex Yuen @myös

Make-up : Tammy Au