中年好声音3｜赵浚承称与陈静属puppy love　激动落闸：唔会回忆

《中年好声音3》决赛将于星期日晚（11日）举行，七强之一的赵浚承近日成为讨论话题。赵浚承被爆曾与DaDa陈静拍拖，更有被指有亲密照流出。同“女神”拍过拖，除了令人好奇之外，当然还羡慕不已。今日（10/5）他在启德体艺馆做采排时，就对昔日恋情有以下回应。

赵浚承说：“日日都有，真系吓死我。（其实大家都知？）系呀，但系有讲过同埋冇讲过畀老婆知系争好远，好彩我系有讲过。如果佢睇到报纸咁讲先，我就大镬啦！”他表示这段昔日恋情一早已向太太备案。他又续说，表示当时拍拖只是“puppy love”。“我哋𠮶啲系Puppy Love，好细个一齐。唔会回忆㗎，我而家脑入面只有我太太，唔会回忆呢啲嘢。（果然系已婚男人）我哋好有求生欲！”

赵浚承由100强打入七强，一直都有声音指他靠关系入围，明星足球队是他的“靠山”。赵浚承叹了一口气，回答：“我喺明星足球队真系好耐，08年已经跟佢哋踢波，有一段时间亦都签过校长（谭咏麟）公司，5年前嘅事。”他表示，谭校长对他来说是一个亦师亦友的前辈，带他登台表演，也教他唱歌和舞台技巧。“喺呢个比赛入面，佢见到我嘅时候有鼓励我，但系后面有冇讲啲乜嘢呢，就真系冇，因为佢都唔想俾咁多压力我。佢净系同我讲：‘加油！’咁。”

他又表示，自己在明星足球队中只属于“佢都系踢波嘅”的小人物，虽然同队，但与曾志伟和叻哥陈百祥这些前辈并不熟悉。“好少好少，都系咁啱踢波嘅时候先有会见到。好坦白讲，08年出道，我喺娱乐圈都系一个透明人，未必知道有我嘅存在。啲大哥们，可能连我个名都噏唔出。（如果真系咁熟，未必要等《中年好声音3》先捧？）系呀，冇错。如果真系帮，我中间𠮶几年就唔会咁挣扎啦，内心谂仲要唔要继续，个过程其实好辛苦。”