素海霖旺角街头与haters面谈遭警方反对　大批粉丝撑场怨气极重

素海霖诚邀Haters今日（10）喺旺角街头面谈，不过活动前夕，由于遭警方反对，最后移师私人地方举行，其中一名haters一直表示“在途中”，但最后不见人，反而不少fans到场，更埋怨素海霖著紧haters多过粉丝，醋到出面。

素海霖接受访问时表示：“我觉得我一定要出现，唔想人觉得我缩沙。”被问到有否就活动向警方申请，她仅指：“我第一次搞呢啲活动，唔系好识，下年再申请试吓。”她透露经常遭haters闹祖宗十八代：“又有啲叫我‘一万蚊出嚟做’，但其实我商业收费都唔只呢个价。又话我冇成绩、冇人讨论，但我post啲成绩返出嚟，佢哋就消失咗。”今日活动为haters而设，最终冇人出现：“佢哋觉得出嚟就中计，但我先系被人闹𠮶个，仲要冒风险佢哋淋我水。”素海霖表示计划半年后再搞同类活动：“下次唔好再揾借口话地铁塞车，我要准备人手都要时间。”

早前素海霖卖原味内衣裤被指穷要揾钱，她澄清是AV业界一贯行销方法：“我穷就一早卖咗。”又拖其他人落水：“香港有卖相女仔都会咁做。”素海霖6月将举行相展，她表示花费近5位数，问到无信心回本，她说要靠大家支持，不过最感到是有海外粉丝连照片都未见过就主动课金。“之前我出飞机杯连包装咩都未有，佢哋已经话入住一千蚊先。”她表示欢迎haters到时出现，甚至淋红油都可，但最紧要畀钱。

素海霖之前曾透露进军大银幕，她表示已收订金，属于随时候命，一定有待电影公司安排。至于AV部分，素海霖表示曾考虑降低要求，接大片商的作品。“有细片商揾，但我唔钟意作品出嚟唔靓，如果我无要求，唔需要转特地去到日本，近近哋台湾都得。”